O Atlético Guardés colleitou esta tarde na Albericia de Santander una avultada vitoria contra o Uneatlántico Pereda (17-33, 9-20 ao descanso).
Ademais de volver saborear a cara amable do deporte, as de José Ignacio Prades aproveitaron a décima xornada da liga Guerreras Iberdrola para desquitarse da derrota contra o Bera Bera fai quince días e coller impulso para o cinco semanas maratonianas que lles esperan.
As xogadoras que adestra o técnico Santiago Abascal só aguantaron o ritmo das galegas os primeiros minutos do partido desta tarde de sábado (minuto 2:25, 2-2 e minuto 5:29, 3-4), antes de sucumbir ás contras visitantes como resultado os seus propios erros e ver como Miriam Sempere botaba o ferrollo á portaría con oito intervencións baixo paus.
O partido entre santanderinas e guardesas xa estaba decidido ao descanso no que o luminioso marcaba un resultado de 9-20 a favor das galegas.
O segundo acto do encontro serviu a José Ignacio Prades para facer probas no seu equipo e tamén para dosificar esforzos de cara a serie de partidos que as galegas deberán afrontar nas vindeiras semanas. Por ese motivo, houbo reparto de minutos sobre a cancha para todas as xogadoras. Así, unicamente Buforn quedou sen xogar (saíu a lanzar un par de 7 metros) e a arxentina Martina Mazza que, se ben viaxou co equipo, finalmente non entrou na convocatoria para o choque de hoxe no pavillón La Albericia de Santander.
O partido comezou con moito ritmo e unha igualdade efémera. A boa defensa do Atlético Guardés unida aos erros das locais íase reflectindo no marcador.
Primeiro foi unha mínima brecha e os contragolpes foron aos poucos dando ás ás de Prades. 4-7, 4-8, 5-11, 7-13 e cando o Atlético Guardés case dobraba de novo no marcador, o técnico local, Santiago Abascal, pediu tempo morto para revolucionar o seu sete inicial.
Miriam Sempere e Sol Ceballos (gardameta local) protagonizaban un bonito duelo baixo paus, pero a boa serie era máis favorable para a porteira guardesa. Entre as paradas da alacantina (oito na primeira parte), dúas exclusións locais case consecutivas e os seus propios erros o Uneatlántico Pereda vía como se lle atragantaba o partido.
Mentres tanto, no Atlético Guardés, todas as xogadoras ían achegando no colchón goleador e a defensa tamén continuaba dando réditos.
A renda ao minuto 25 xa era de 10 tantos (8-18) para o equipo galego. Mentres o Uneatlántico Pereda de Santander xa acumulaba xa máis de seis minutos sen anotar.
José Ignacio Prades aproveitaba ese momento para pedir tempo morto a falta de minuto e medio e xestionar con éxito a inferioridade pola exclusión de Estefanía Descalzo (9-20 para o descanso) a pesar de que Belén Saez rompía a seca local.
Chegouse ao descanso cun marcador de 9-20 para o Guardés
A segunda parte estreouse cun novo duelo entre Sol Ceballos e Miriam Sempere. Antes de dar paso ás súas compañeiras, aínda fixeron paradas de mérito e a porteira local alcanzou a decena de balóns atallados. O Guardés saíu un pouco descolocado do paso por vestiarios e no 40 Prades decidíase a parar o partido para tentar que a defensa 5.1 local non asfixiase o ataque galego.
Carratú tamén se ía entoando baixo paus, aparecían Barbosa e África Sempere en pista e aínda que o rexistro anotador estaba a ser bastante máis discreto que no primeiro acto con 6 goles en 15 minutos, as de Prades non viron perigar a vitoria en ningún momento.
Só faltaron por anotar Estefanía Descalzo, Carla Gómez e as dúas porteiras – Sempere e Carratú – e por sorte cada unha puido achegar algo á vitoria deste fin de semana. Houbo uns minutos frouxos, si, pero o Guardés volveu subir unha marcha e ao final, e mesmo coa exclusión de Sempere nos últimos minutos e dun parcial sen anotar, sentenciou cun contundente 17-33 asinando o último gol a capitá Sempere.
As de José Ignacio Prades rematan o día ubicadas en terceira posición na táboa clasificatoria con 12 puntos no seu casilleiro por detrás do Rincón de la Fertilidad Málaga (segundas) e as líderes do Bera Bera, contra das que as galegas perdían na Sangriña hai dúas semanas por un marcador de 22 – 31.
O seguinte reto das da Guarda será a Xornada undécima do Grupo A da Liga Guerreras Iberdrola que medirá ao Club Balonmán Atlético Guardés contra do Zubileta Evolution – Bm. Zuazo. O partido está fixado para o mércores 10 de febreiro ás 20:00 horas na Sangriña. Os colexiados designados para dirixir o choque son os galegos: Sergio Estévez e Andrés Rosendo. Debido ás restrición santiarias que marcou a Xunta de Galicia hai unhas semanas, o partido terá que disputarse a porta pechada para buscar frear o contaxio da COVID-19.
📰 | J.10 @IberdrolaDHF 💚
👏 El Guardés se desquita a costa del @bmpereda (17-33, 8-20 al descanso)
🙅♀️@Miriaam11, diez paradas
🤾♀️Aportación coral de todo el EQUIPO
La crónica, ya en la web ➡️ https://t.co/zfdRr8oCCY 💙 pic.twitter.com/sv1QNNrHEK
— Club Bm. Atl. Guardés (@Atlguardes_ofic) February 6, 2021
FICHA TÉCNICA
17) UNEATLÁNTICO PEREDA (9+8): Marta Sainz, Danielle de Sousa (3), Sandra Rodríguez (1), Andrea Pellón (1), Lydia Blanco (1), Sheila Hiraldo (6), Verónica Berastain (1), Paula González, Sol Ceballos, Claudia Sáez, Aida Brull, Belén Sáez (3), Alba Fernández e Marina González.
33) CLUB BALONMANO ATLÉTICO GUARDÉS (20+13): África Sempere (1), Sandra Santiago (4), Lorena Pérez (3), Estefanía Descalzo, Miriam Sempere, Paulina Pérez (2), Patrícia Lima (2) , Cristina Barbosa (1), Rosario Urban (2), Paula Arcos (4), Sarah Valero (4), Carla Gómez, Marisol Carratú, Erika Rajnohová (3), Laura Morais (3) e Daniela Moreno (4).
RESULTADO CADA 5 MINUTOS: 2-3, 4-7, 5-10, 8-14, 8-17, 9-20 (descanso), 10-22, 13-24, 14-26, 14-28, 14-32, 17-33 (final).
ÁRBITROS: Luis Colmenero e Víctor Rollán (Castilla y León). Excluíron a Danielle de Sousa, Andrea Pellón e Alba Fernández por parte das locais e a Estefenía Descalzo, Patrícia Lima e Sempere do Atlético Guardés.
INCIDENCIAS: Partido correspondente á Xornada 10ª do Grupo A da Liga Guerreras Iberdrola disputado en La Albericia (Santander) a porta pechada.
