O Atlético Guardés suma a terceira vitoria consecutiva na Liga Guerreras Iberdrola. O resultado 26-30 ante o Aula Alimentos de Valladolid garante que o equipo de Prades finalice a primeira fase no terceiro posto do Grupo A.
Cos puntos sumados neste trunfo en Valladolid, o Atlético Guardés ten un botín de catro puntos para a loita polo título. Aínda non se coñece con certeza ao que será cuarto clasificado, pero tanto contra o propio Aula Alimentos de Valladolid como co Zuazo as galegas teñen asegurados os catro puntos.
Ao ter perdido os dous encontros co Bera Bera, cabeza de grupo, as de José Ignacio Prades disputan o segundo posto co Rincón Fertilidad Málaga, co xogará na décimo cuarta xornada.
Nada frea ao Atlético Guardés
Nin a apretada axenda do Atlético Guardés, nin o parón de tres semanas que sufriu o Aula Alimentos de Valladolid notáronse unha vez ambos conxuntos saltaron á cancha do pavillón Huerta del Rey na cidade de vallisoletana.
Desde os primeiros minutos do encontro viuse que a pista de Huerta del Rey había ser escenario dun encontro frenético, vertixinoso e con ocasións e tantos para os dous conxuntos que se alternaban no marcador. E así foi. A igualdade coa que comezou o duelo entre as de Castilla – León e as galegas inclinouse co paso dos minutos para o equipo local, ata que as da Guarda tomaron o mando. Tanto foi así que chegaban ao descanso xa por diante no marcador luminoso cun tanteo de 15-17. So dous puntos por riba, pero por diante.
Para a segunda metade do encontro, o Atlético Guardés volveu á pista completamente enchufado no partido, pero tamén o fixo o seu rival. Así que a igualdade e a loita intensa en cada posesión seguiron marcando o cruce. Cando as de José Ignacio Prades conseguía desmarcars no marcador cun 18-23 no minuto 43, o Aula Alimentos de Valladolid respondía cun parcial 3-0 con dous tantos obra de Elba Álvarez, que remataría o encontro sendo a máxima anotadora.
As locais pisábanlle xa os talóns ás galegas, polo que o seu adestrador viuse obrigado a pedir un tempo morto para non deixar escapar o partido. Nos minutos restantes de partido o Atlético Guardés mantívose en todo momento por diante, pero alerta ante un conxunto vallisoletano que ameazaba coa remontada.
A falta de menos dun minuto e medio, o Aula Alimentos de Valladolid puxo o 26-27 no marcador, ante un cadro galego en inferioridade numérica tras a exclusión de Paula Arcos. Un tempo morto de José Ignacio Prades organizou ás visitantes para unha xogada con ocasión de Lorena Pérez, poñendo o 28 no marcador, seguido dunha parada de Carratú e outro tanto de Pérez, xa co 29 e rematar a faena con Lima á contra, (26-30).
Os últimos 55 segundos decidiron o partido e o futuro de ambos equipos, despois dun reñido e disputado partido.
Revive o duelo dándolle ao play nesta ligazón!
FICHA TÉCNICA
27) AULA ALIMENTOS DE VALLADOLID (15+12): Lulu (9 paradas), Elba (8), Danila So Delgado (3), Lorena (2), Sara Molés (4), Ángela (-) e Fati (1) – sete inicial -. Tamén xogaron: Teresa Álvarez (2), Elena Cuadrado (1), Rafi (-) Amaia González de Garibay (3), Mireia Diez (-), Jimena (2) e Cristina Cifuentes (-).
30) CLUB BALONMANO ATLÉTICO GUARDÉS (17+13): Miriam Sempere (portera, 1 parada), Sandra Margarida (3), Lorena Pérez (4), Estefanía Descalzo (-), Paulina Buforn (3), Rosario Urban (2) e Paula Arcos (5) – sete inicial -. Tamén xogaron: África Sempere (1), Lima Da Silva (1), Sara Valero (3), Carla Gómez (3), Marisol Carratú (portera, 11 paradas), Erika Rajnohova (4), Laura Morais (1) e Daniela Moreno (-).
RESULTADO CADA 5 MINUTOS: 2-2, 6-5, 9-8, 11-12, 13-15, 15-17 (descanso), 16-19, 17-21, 19-23, 21-24, 24-27, 26-30.
ÁRBITROS: Miguel Martín e David Monjo. Excluíron a Lorena e a Rafi (2) do Aula Alimentos de Valladolid e as deportistas Paula Arcos e Sara Valero (2) do Atlético Guardés.
INCIDENCIAS: Partido correspondiente a la Xornada 12ª do Grupo A da Liga Guerreras Iberdrola disputado no pavillón Huerta del Rey na cidade de Valladolid.
