O inicio do Atlético Guardés na loita polo título da Liga Guerreiras tivo que ser aprazado ata este mércores 31 polo compromiso internacional das galegas. Pero agora A Sangriña xa está lista para dar comezo á segunda fase. Será ante o Balonmano Elche, ás 20:15 horas, ante o público guardés cun aforo de 200 persoas.
As xogadoras de José I. Prades accederon á pugna polo título de campionas con 6 puntos e empatadas con elas accede tamén o Elche. Por parte local, o Guardés chega dunha dura derrota na ida das semifinais da EHF European Cup ante o Rincón Fertilidad Málaga (18-23), mentres que as visitantes non competiron aínda polo parón dos encontros internacionais.
O factor casa, ao favor do Guardés
Malia ter o último duelo recente, o Guardés non terá que desprazarse, ao actuar outra vez como conxunto local. Pola contra, o Elche comezou a viaxe o martes de madrugada e ten a intención de adestrar no pavillón do Porriño para preparar o primeiro encontro desta tempada entre estes dous equipos.
Dentro do grupo orixinal das visitantes, o B, pasaron á segunda fase de loita polo título KH.7 Bm Granollers, Bm. Gijón, Rocasa Gran Canaria e o propio Elche, todos eles rivais do Guardés nas próximas oito xornadas.
O primeiro deles, subcampión de Copa da Raíña 2020 celebrada en Málaga, conta nas súas filas con internacionais como Ana Martínez e Ivet Musons. Asimesmo, ten xogadoras experimentadas e cunha longa traxectoria como María Flores, Nuria Andreu ou Patricia Ensinas, así como promesas do balonmán como Zhukova, Lysa Tchaptchet ou Nicole Morales.
O partido poderá seguirse vía streaming a través do Youtube do club galego.
