O Atlético Guardés ten esta fin de semana unha oportunidade de ouro para acceder ao grupo que loita polo título ligueiro coa máxima ilusión. As galegas estarán no podio pase o que pase, pero poderían asegurar a primeira posición en caso de volver a gañar ao Rincón Fertilidad Málaga. A última xornada de Liga Guerreras celebrarase o sábado, 6 de marzo, ás 18:30 horas.
As derrotas ante o Bera Bera seguen pesando no conxunto dirixido por José I. Prades, pero a posibilidade de repetir vitoria ante as malagueñas (como fixeron na Sangriña na recuperación da sétima xornada), dan ás aos soños das galegas. Estas buscarán os “dous puntos importantes e cos cales sería estupendo chegar á seguinte fase”, resume o técnico.
Os resutados propios así como os alleos tanto no grupo A da Liga Guerreras Iberdrola, no que milita o Guardés, como o B, no que están as galegas do Porriño, abren o abano de posibilidades de cara a unha fase polo título favorecedora.
Prades non se confía
Antes diso, as do Baixo Miño deben xogar co Rincón Fertilidad. Xa gañaron no anterior enfrontamento, cun 23-22 que aínda está recente, e chegan a esta nova cita nun gran momento deportivo. Mentres que os seus rivais encadean derrotas consecutivas contra rivais directos, o Atlético Guardés está a desfrutar dunha boa dinámica.
Con todo, isto non pode facer que as galegas se confíen ante as andaluzas. Xa o advirte Prades: “Non hai que fiarse de nada, sabemos que na pista todo se esquece e os dous equipos vaciarémonos”.
O adestrador tamén sinala que hai puntos a mellorar respecto á primeira vitoria. “Intentaremos aproveitar o noso momento, as nosas boas sensacións”, declara. Un obstáculo a superar será a falta de descanso, algo que tamén lamentan no Rincón Fertilidad. “Tanto o Málaga como nós, ao ter xogado o mércores, non temos moito marxe”, explica Prades.
Por outra parte, o rival andaluz xa acumula esta tempada dous títulos nas súas vitrinas e, como o Guardés, compite a nivel europeo e logrou a clasificación para semifinales por primeira vez na súa historia. Un partido que as enfrontará coas galegas.
Este partido xogarase a porta pechada, pero será retransmitido a través de Teledeporte.
O Guardés en Antequera
Despois da viaxe a Lanzarote para enfrontarse ao Puerto del Carmen, as guardesas atópanse en Antequera. A expedición chegou de madrugada o venres e ao grupo uníuse Martina Mazza na parada en Madrid.
