Mecalia Atlético Guardés e Conservas Orbe Rubensa BM Porriño avanzan unha xornada máis na Liga Guerreras Iberdrola con resultados ben dispares.
As xogadoras adestradas por Prades manteñen o seu idilio coa Sangriña no vixente ano sumando un novo triunfo ante as pechacancelas que mantén o obxectivo europeo máis vivo que nunca, mentras que as veciñas do Baixo Miño non foron quen de superar a un combativo Costa do Sol.
O Guardés barre a un descendido Zozamas
A Sangriña non entende de compaixón neste 2022. Non tardaron moito en descubrilo as xogadoras da escadra canaria, relegada a desputar a segunda división a vindeira tempada, xa que aos 12 minutos de encontro, as de negro e amarelo gobernaban o electrónico por sete tantos.
Ángela Nieto e Paula Arcos corrían ao contraataque mentres Míriam Sempere producía na portería, ben sustentada no bo facer defensivo de todo o bloque baixo guardés.
Deste xeito, o partido quedou sentenciado nun primeiro acto que rematou cun incontestable 19-7 e os últimos minutos do parcial foron a mellor nova do encontro xa que Lorena Pérez volveu pisar un terreo de xogo logo de dous meses e medio. A de Salceda puido gozar por fin do que máis lle gusta tras superar a súa lesión de xeonllo.
Á volta de vestiarios, a dinámica mantívose. o Zonzamas non ofreceu resistencia algunha e deixouse ir nuns compases finais nos que José Ignacio Prades aproveitou para probar a defensa 5-1 con Paula Arcos no avanzado. Tamén para facer a xuvenil Márian Mera, quen participou na portería e mesmo parou un penalti.
O Guardés afronta unha semana do máis intenso xa que o vindeiro mércores deputarase o derbi adiado no Porriño e o sábado visitará ao líder, o Bera Bera, en San Sebastián.
✅ +2
✅ Fantástico traballo de todo o equipo.
✅ Seguimos invictas na Sangriña este 2022.
👏 Parabéns a todas!
📸 @Coex_go pic.twitter.com/aNWHej5Pu8— Mecalia Atlético Guardés (@Atlguardes_ofic) April 9, 2022
Freazo en seco para o BM Porriño
Non puido ser. O cadro porriñés non foi quen de refrendar no Municipal o seu inapelable estado de forma coa que sería a súa cuarta vitoria consecutiva ante o poderoso Costa del Sol.
O Conservas Orbe Rubensa foi o encargado de iniciar o partido comandado por Mica Casasola. As porriñesas, xa desde un comezo non foron quen de atopar oportunidades de lanzamento ata que, Aitana Santomé, acadou o primeiro penalti a proldo seu equipo, pero que non lograba transformar Haridian Rodríguez.
Chegado o primeiro cuarto de hora do primeiro tempo, o Conservas Orbe Rubensa conseguira recurtar distancias e gozaba dun maior dinamismo á hora de atacar. Pola súa banda, o xogo do Costa do Sol Málaga baseábase en atopar espazos nas zonas exteriores da defensa local para entrar en penetración.
Ao final do primeiro tempo, o Costa do Sol Málaga soubo manter as rendas da meirande parte da contenda, levándose a primeira parte por un 8-15.
O inicio da segunda parte mostrou ás malagueñas igual de conectadas que na primeirae, pola súa banda, o BM Porriño necesitaba subir a intensidade en ataque e ter moito máis atino de cara portería.
A falta de dez minutos, o Conservas Orbe Rubensa semellaba espertar e a intensidade en ambos os equipos estaba patente. O tempo corría e nos derradeiros cinco minutos, Estela Carrera facíase grande en portería, pero a mala selección dos lanzamentos das porriñesas estaba a pasarlles factura. Finalmente, o Costa do Sol Málaga levou os dous puntos para casa cun marcador de 21-27.
El Costa del Sol Málaga rompe la racha del Conservas Orbe Rubensa Bm Porriño https://t.co/xEKB9t29aS
— Club Balonmano Porriño (@BmPorrino) April 10, 2022
