O Atlético Guardés estará, a partir da semana do 22 de marzo, no grupo de equipos que pelexarán polo título de campión da liga Guerreras Iberdrola 2020-21. E farao cun botín de seis puntos coleitados en dúas vitorias contra a Aula Alimentos de Valladolid e unha contra o Rincón Fertilidad Málaga.
Esa renda de cara á seguinte fase competitiva podería ser maior de non ser pola desconexión que sufriu o Atlético Guardés esta xornada no polideportivo Rubén Ruzafa de Rincón de la Victoria. Ese foi o escenario no que finalmente claudicaron ante o Málaga (27-21, 12-10 ao descanso). E iso que as da Guarda tiñan comandado o marcador no primeiros quince minutos do partido.
A defensa desactivouse e aínda que Sempere e Carratú esforzáronse baixo paus e José Ignacio Prades tentou dar coa clave para parar ao Málaga, todo foi en balde e as locais mostraron a súa superioridade.
O Rincón Fertilidad Málaga abriu o marcador con fly para Arderíus. O Guardés desperdiciou os seus dous primeiros ataques. As galegas, xogando baixo a batuta de Rajnohová, que ao fin atopou a Valero en 6 m, quen forzou un 7m que transformou Paulina Buforn. O Rincón Fertilidad Málaga movía balón dun extremo a outro e, aínda que as andaluzas circulaban para o dobre pivote, a férrea defensa guardesa recuperaba o balón.
O Rincón Fertilidad Málaga, sen as lesionadas Campigli e Paula García, buscaba alternativas para o ataque. Pola súa parte, o Atlético Guardés sumaba unha nova perda, pero o repregamento funcionaba e as malagueñas non podían pensar rápido. Á seguinte, tras a parada de Merche Castellanos a Buforn, López atopou o oco para o 2-2. Merche Castellanos facíalle outra parada a Arcos e iso motivaba outra perda de balón do conxunto local. E igual que no partido na Guarda o marcador movíase nuns rexistros moi baixos ao minuto 10 (2-3).
Rajnohová, moi destacada nos últimos partidos, anotaba e forzaba a primeira exclusión do partido. O Rincón Fertilidad Málaga acumulaba máis perdas – a quinta – e as de José Ignacio Prades regresaban ao 7m para seguir alimentando os seus rexistros (2-4, 3-4, 3-5). Rojas tamén anotaba desde 7m ante Carratú e na seguinte acción o Málaga lograba a igualdade a 5. Exclusión para Urban e López adiantou ao Málaga de novo (6-5) tras o gol inicial.
Sen titubear, Prades pediu o primeiro tempo morto do partido. Danela Moreno ou Sandra Santiago a pista. Carla Gómez e Fani Descalzo como un muro no centro da defensa e parada de Carratú a Doiro.
Parecía que os detalles ían decantar o partido, por iso cada acción cobraba especial relevancia. Ambos os conxuntos fuxían de présas e o Atlético Guardés, cun repregamento case de libro, cociñaba as súas accións a lume lento até atopar a Gómez (6-6).
Aconteceu outra exclusión para o Atlético Guardés (a Santiago) e o partido entraba nun intercambio de goles (7-6, 😎 e unha rosca de fantasía de Lima colocaba a que ía ser a última igualdade do partido. Exclusión a Lorena Pérez e o partido continuaba nunha toma e daca (10-9).
O Guardés desperdicia rendas
Tras as rendas desperdiciadas de dous goles polas galegas, estas empezaron a ir a rebufo, aínda que o Málaga tampouco era incapaz de despegarse máis aló do dous-tres goles (11-9, 12-9?). Doiro foi excluída e o Atlético Guardés aínda anotou outro antes de irse ao descanso (12-10).
Sempere parou e Gallardo aínda quixo pedir tempo morto para tentar unha última xogada que acabou sen éxito, tamén parou Castellanos e nos últimos segundos Sempere, polo que o resultado ao descanso foi 12-10. A primeira parte, marcada polas alternancias, deixou sensacións agres para as de Prades, rendindo a bo nivel en defensa pero chocando contra Castellanos.
Arrincou a segunda parte con perda para o Málaga, cun fallo de Urban, unha falta en ataque de Doiro, nova perda para o Atlético Guardés e nese correcalles Sole López puxo o 13-10.
As perdas galegas eran compensadas polas paradas de Sempere, pero as de José I. Prades só anotaban desde 7m (13-11). Castellanos e Sempere asumiron o protagonismo do par-tido. 14-12, 15-12, 16-13? ata que Arderius puxo por primeira vez a renda de 4. E chegou o +5? e o tempo morto de José Ignacio Prades para dicirlle claro ás súas xogadoras: “Ímonos ao 5:1 e mordemos”.
E aínda que o Atlético Guardés asinou un parcial de 0-2, o Rincón Fertilidad Málaga xa estaba convencido da vitoria e seguiu correndo e sentenciando a un equipo obnubilado por completo. Nin a dobre mixta exposta polas visitantes foi suficiente para deter a sangría.
Ao final, 27-21 no marcador e dous puntos que as da Guarda perden na pelexa polo título que empezará o 22 de marzo.
FICHA TÉCNICA
27) RINCÓN FERTILIDAD MÁLAGA (12+15): Estela Doiro (4), Silvia Arderius (7), Sole López (2), Sara Bravo (2), María Pérez (3), Almudena Gutiérrez (1), Espe López (4), Laura Sánchez, Isabelle dos Santos (2), Merche Castellanos, Rocío Rojas (2), Paula Cosano, Virginia Fernández e Paula García.
21) CLUB BALONMÁN ATLÉTICO GUARDÉS (10+11): África Sempere, Sandra Santiago (1), Martina Mazza, Lorena Pérez, Estefanía Descalzo, Míriam Sempere, Paulina Buforn (8), Patrícia Lima (1), Rosario Urban, Paula Arcos (2), Sarah Valero (4), Carla Gómez (2), Marisol Carratú, Erika Rajnohová (3), Laura Morais e Daniela Moreno.
ÁRBITROS: Sebastián Fernández Molina e Alberto Murillo Castro (Andalucía). Excluíron por parte das locais a Doiro e Gutiérrez e das visitantes a Urban, Sandra Santiago, Pérez, Arcos e Sarah Valero.
MARCADOR CADA CINCO MINUTOS: 1-1, 2-3, 4-5, 6-5, 10-9, 12-10 (descanso), 14-12, 19-15, 22-18, 25-20, 27-20, 27-21.
INCIDENCIAS: Partido correspondente á xornada 14ª da Liga Guererras Iberdrola disputado no polideportivo Rubén Ruzafa de Rincón de la Victoria con público. O cruce foi emitido pola web de Teledeporte.
