O Guardés pasa á 3ª praza tras remontar ao Granollers (24-23)

O Atlético Guardés segue medrando na Liga Guerreiras, aínda que desta vez o fixo con sudor e lágrimas. As do Baixo Miño foron quen de levarse a vitoria ante o KH-7 Granollers cun axustado 24-23, remontando un partido emocionante e rifado.

O cadro galego posiciónase así na terceira praza do grupo polo título, e queda coa calisicación para Europa moi a tiro. As galegas teñen ademais un encontro menos disputado, ao ter aprazado o duelo co Rocasa Gran Canaria, que se celebrará o 28 de abril, debido á cita na EHF European Cup.

Neste encontro ligueiro, o Guardés comezou moi concentrado, asinando un 4-1 nos primeiros minutos, pero con menos sorte nos seguintes. A porteira Wiggins facía da meta rival un fortín, polo que o descanso chegou cun 11-13 no marcador. Tras a pausa, as locais souberon reengancharse, igualando o partido no 16-16. Aumentando a intensidade, as de Prades puxéronse no 23-19, pero o Granollers esforzouse, para rematar no 24-23.

Alternancia de poder en A Sangriña

Desde o inicio do partido puidose ver a un Guardés serio en ataque e defensa, con Lorena Pérez abrindo o marcador. O centro da defensa local brillaba ocn Gómez e Descalzo, obrigando ao Granollers a mover o balón ata o extremo. Ana González puxo o 1-1 e forzou a exclusión de Lima, pero as locais seguiron presionando a meta de Wiggins robando o balón e deixando o marcador no 4-1.

Atlético Guardés - KH-7 Granollers / SPORTCOECO — Atlético Guardés – KH-7 Granollers / SPORTCOECO

Vegué desde o extremo e Guareiro con dous consecutivos puxeron o 4-4 e a igualadade continuou no 6-6. Entón, Urban intentou lucirse cun 4/4 en lanzamentos, dando forzas ás súas compañeiras do conxunto galego, subindo o marcador ata o 9-6. A igualdade volveu ao terreo de xogo, poñendo o electrónico no 9-9 e entón Prades decidiu mover o banco local: Martina, Mazza, Sarah Valero e Miriam Sempere entraban a pista.

A gardameta visitante sobresaía na pista galega, e os seguintes foron os seus mellores minutos. O Granollers aproveitou a tranquilidade que daba a súa gran porteira, e aproveitou para adiantarse cun gol da pivote viguesa Carmen Prelchi (9-10). Isto fixo que o adestrador guardés parase o tempo no 20:56.

Pasaba o tempo e as perdas en ataque víanse compensadas polas paradas de Sempere. Mentres, Morais fallaba o seu primeiro lanzamento, pero Janna Sobrepera poñía o 9-11 superando a Sempere. Wiggins outra vez e Prelchi co 9-12. O Guardés apretou, pero non puido evitar chegar ao descanso co 11-13, e co equipo rival en superioridade pola exclusión de Sarah Valero nunha das últimas accións.

O Guardés remontou e venceu na segunda metade

A inferioridade do Guardés para a metade restante non afectou ao ánimo das xogadoras. A forza de Buforn volveu a enganchar ao seu equipo, que se situaba cun 13-14 a un tiro das rivais. As de Prades souberon agardar ao momento preciso e seguintes minutos foron clave: Carla Gómez tivo a honra de dar a volta ao marcador cun merecido 17-16. As recuperacións dunha Descalzo efectiva en cada acción foi fundamental na remontada das do Baixo Miño.

As paradas de Sempere eclipsaban ás de Wiggins, e o esforzo galego viuse refrezado no electrónico, que informaba xa do 19-16. O adestrador do banco visitante solicitou un tempo morto, pero as galegas anotaron de novo, subindo a diferenza a catro puntos. O Granollers só foi capaz de anotar outros catro en vinte minutos, para tranquilidade das locais. A primeira liña viistante (Guarieiro, Capdevila e Torras) acusaban o cansancio e insistían sen acerto ante a defensa guardesa, cunha Sempere inconmesurable baixo paos.

Porén, as catalás eran unha ameaza real e a falta de 46 segundos, Prades xestionaba o final do partido para asegurar a vitoria en casa. Os dous puntos fundamentais para seguir na cabeza de grupo estaban en xogo. O Granollers presionaba arriba e Prelchi cortaba o pase entre Urban e Arcos, quen recuperaba o balón. A parada de Wiggins freou un lanzamento in extremis, e Janna Sobrepera mantiña a tensión ata o final.

O Guardés tivo que mover o balón durante 10 segundos, pero o partido semellaba xa decidido. Co pitido final e o 24-23 sobre o marcador, a alegría explotou nunha Sangriña con público, no que as xogadoras puideron festexar xunto á súa xente un trunfo máis.

A galería do Guardés – Granollers

1 de 24

- +