O Viaxes Amarelle soña coa permanencia e está un paso máis preto dela. As herculinas fixeron o imposible e venceron a un Universidad de Alicante invicto nesta segunda fase. Cun 1-0 final as galegas suman tres puntos de ouro.
O conxunto herculino plantexou un partido moi serio contra un rival complicado. Ao longo do partido a tensión foi máxima, pero un gol de Sofía na metade da primeira parte deu a vitoria ás locais. Un trunfo pola mínima que achega ás galegas máis á conservación da categoría e, con elo, a seguir militando na elite do fútbol sala estatal n curso 2021-22.
O Viaxes Amarelle, protagonista ao dar a sorpresa da xornada
O partido comezou cun Viaxes Amarelle que acusaba as baixas sufridas durante esta semana coas lesións de Cris Lourés e Candela Soria, e comezaba a agardar en cancha propia a un rival que controlaba o balón e buscaba a meta contraria.
Os minutos pasaban e ningún dos equipos chegaba con suficiente claridade á meta rival como para ser quen de facer gol. A falta de sete minutos e medio para o tempo de descanso, Sofía sacouse da manga unha xenialidade que remataría en gol. Cun balón con efecto desde os 13 metros, a futbolista colou o esférico pola escadra da portería do Universidad de Alicante, poñendo o 1-0 no marcador. Un resultado que, ao final, resultou definitivo e outorgou os tres puntos ás herculinas.
🖋️📰⚽️💛 PUNTAZOS DE ORO ‼️
Golazo de @soffiarodrigez_ y una gran defensa del @amarellefsf sirven para derrotar al @UAfutsafemenino y sumar 3 puntos de oro (1-0)#FutsalFemenino #PrimeraRfefFutsal #Jornada8 #GrupoD #vamosNaranjas
👉 más info en https://t.co/Bqqnq0HXcG pic.twitter.com/BPrWKgr3EX
— Viaxes Amarelle FSF (@amarellefsf) May 22, 2021
Tras o primeiro gol, o conxunto coruñés dispuxo de bos minutos de xogo, cunhas ocasións moi claras para as gallegas de ampliar distancias no marcador electrónico do pavillón da Sagrada Familia. Pero o partido rematou ao final do primeiro tempo sen novidade no tanteo, mantendo o 1-0.
Despois do tempo de descanso, o Viaxes Amarelle FSF sabía que tería que sufrir para manter a vantaxe conseguida. Malia apostar por unha defensa en cancha propia, o conxunto que adestra o técnico Jorge Basanta tivo tamén as súas oportunidades de anotar o segundo gol, a través de rápidas transicións á contra coas que levou perigo á meta visitante.
A sorte non estivo de cara nos ataques, e as galegas tiveron que sufrir ata o final defendendo o xogo de cinco das alicantinas, que perdían a súa condición de invictas nesta fase, pero manteñen o liderado.
A catro puntos da salvación
A falta de tres partidos por finalizar a tempada, o Viaxes Amarelle ten a permanencia directa a catro puntos, co Rayo Majadahonda marcando as liña. A zona baixa está máis decidida, co descenso do Cidade de As Burgas e o Gran Canaria FSF Teldeportivo. O único equipo con posibilidades de manter a categoría é o Bodegas Sommos Intersala Zaragoza, que tería que vencer en todos os seus enfrontamentos e esperar a que o Penya Esplugues e as coruñesas cedan derrotas no resto de partidos.
O equipo de Basanta regresará o luns aos adestramentos e a próxima fin de semana poderán loitar pola permanencia na Primera División co partido adiado da sétima xornada do subgrupo D. O rival será o AD Sala Zaragoza, nun encontro programado para o 29 de maio, ás 20:00 horas.
FICHA TÉCNICA
1) VIAXES AMARELLE: Leti Rojo, Lau Doce, Patri Romaní, Anna Escribano, María Gómez – cinco inicial -. Tamén xogaron: Patri Corral, Tana, Yaiza e Sofi.
0) UNIVERSIDAD DE ALICANTE: Elena; Ana María Pino, Mariángeles Pino, Miriam e Pao – cinco inicial -. Tamén xogaron: Rocío, Aitana, Bianca e Ana Romero (segunda porteira).
GOLES: 1-0 Sofía.
ARBITRAXE: Menéndez Nistal e Vilas López do colexio galego. Recibiron tarxeta amarela Tana, Diego e Jorge no cadro do Viaxes Amarelle e Miriam no equipo do Universidad de Alicante.
INCIDENCIAS: Partido da oitava xornada do subgrupo D da Primera División disputado na pista da Sagrada Familia na cidade da Coruña.
