O futuro do Dépor ABANCA decidirase en Sevilla

Seis puntos en xogo, cinco para a salvación. O Dépor ABANCA ten que facer un pleno de vitorias nas dúas xornadas que quedan da Primera Iberdrola para salvar a categoría. O primeiro reto enfronta ás coruñesas co Real Betis, o equipo que marca a permanencia, só un posto por riba das galegas. A cita máis importante da xornada terá lugar no municipal Felipe del Valle de Sevilla este sábado, 19 de xuño, ás 11:00 horas (#Vamos).

As deportivistas teñen todo en xogo. Do resultado desta fin de semana depende o futuro do equipo, que tras sumar só un punto no último encontro, ante o Granadilla, ve as súas posibilidades de salvación mermadas. O empate daba xa por descendido ao conxunto coruñés, pero o resto de resultados da xornada fan que o milagre aínda sexa posible.

Só dúas vitorias poderían achegar ás branquiazuis ao obxectivo, sempre e cando o Betis falle nos dous enfrontamentos. As andaluzas teñen as de gañar, estando fóra dos postos de perigo e cun colchón de puntos importantísimo a falta de dúas xornadas. Pero o técnico do Dépor ABANCA, Manu Sánchez, puntualiza como, ao non ter “nada que perder”, son un rival máis perigoso.

Manu Sánchez: “Non temos nada que perder”

O Dépor ABANCA é o único equipo do pozo con posibilidades de salvarse

Das catro posicións de descenso, tres xa están decididas. O próximo curso Logroño, Santa Teresa e Espanyol serán equipos de Reto Iberdrola. Despois de toda unha tempada no pozo, o Dépor ABANCA é o único conxunto que aínda pode ver cumprido o obxectivo da salvación.

Con todo en contra, as branquiazuis foron quen de sobrevivir a unha tempada dura, na que os resultados non chegaron a tempo. Porén, contra todo pronóstico, as galegas son o único equipo que ten opcións de salvarse a falta de disputar as dúas últimas xornadas.

O seu rival desta xornada, o Betis, leva unha traxectoria similar á das galegas, coa diferencia de ter acumulado unha vitoria e dous empates máis. No apartado goleador, o Dépor ABANCA leva anotados seis goles máis, aínda que as herculinas tamén encaixaron 19 tantos máis en contra.

A convocatoria de Manu Sánchez

Para este importantísimo partido, Manu Sánchez recupera ás xogadoras convocadas coas súas seleccións. Athenea del Castillo formou parte do equipo da Selección Española absoluta, que disputou dous amigables contra Bélxica e Dinamarca, disputando toda a segunda metade do segundo encontro.

Athenea regresa ao Dépor ABANCA tras xogar coa Selección Española

Pola súa banda, as ‘ticas’ Stephannie Blanco e Noelia Bermúdez estiveron co combinado do seu país nos dous amigables ante Guatemala. Blanco foi titular nos dous partidos.

Quenes non estarán en Sevilla son Carolina Arbeláez, baixa por lesión, e Carlota, que arrastra molestias nun xeonllo. Patri López, Eva Dios e María Figueroa son as canteiras que completan a convocatoria do Dépor ABANCA: