A última convocatoria da Selección Española de fútbol sala estará protagonizada polo futsal galego. Nove das dezaseis seleccionadas para a concentración de agosto representan a Galicia, como galegas ou xogadoras de clubs irmandiños.
A seleccionadora Clàudia Pons chama a filas a futbolistas de varios equipos galegos. En total, haberá cinco xogadoras do Pescados Rubén Burela, unha do Poio Pescamar, unha do Ourense Envialia e unha do ENCE Marín, ademais de contar con Vane Sotelo, do Futsi Atlético Navalcarnero.
Segundo informan desde a Real Federación Española de Fútbol, o combinado nacional aloxarase na Cidade do Fútbol de Las Rozas entre o mércores 18 e o domingo 5 de setembro. Farao seguindo as directrices marcadas polas autoridades sanitarias para loitar contra a COVID-19, en modo burbulla.
A Absoluta de futsal viaxará ata a República Checa para enfrontarse nun dobre duelo de preparación contra o combinado checo. Os partidos disputaranse os días 3 e 4 de setembro nas cidades de Praga e Pilsen.
As xogadoras convocadas deberán presentarse o mércores, 18 de agosto, ás 12:30 horas no Hotel da Cidade do Fútbol de Las Rozas e o domingo, 5 de setembro, finalizará a concentración.
O listado completo de convocadas
Este é o listado de xogadoras de futsal convocadas por Pons, cun 56,25% de galegas.
| Porteiras | |
|---|---|
| Silvia Aguete Outón, SILVIA | Ence Marín Futsal |
| Caridad García Díaz, CARIDAD | Poio Pescamar F.S. |
| Marta Balbuena Navas, MARTA | C.D. Futsi Atlético Navalcarnero |
| Cristina María García Cordobés, CRISTINA | S.T.V. Roldán F.S.F. |
| Peches | |
|---|---|
| Amelia Romero de la Flor, AMELIA | C.D. Futsi Atlético Navalcarnero |
| Jennifer Lores Cortizo, JENNY LORES | Ourense Enviália |
| Elena García Martos, ‘ELENITA‘ | Pescados Rubén Burela F.S. |
| Alas | |
|---|---|
| Ana Sevilla Luján, ANA LUJÁN | C.D. Futsi Atlético Navalcarnero |
| Irene Samper Bilbao, IRENE | Pescados Rubén Burela F.S. |
| Alejandra de Paz González, ALE DE PAZ | Pescados Rubén Burela F.S. |
| Patricia González Mota, ‘PEQUE‘ | Pescados Rubén Burela F..S |
| Mª Ángeles Pino Cabrera, ‘MELLI‘ | C.D. Universidad de Alicante |
| Ala-pivote | |
|---|---|
| Alicia Benete Montufo, BENETE | Móstoles F.S.F. |
| Pivotes | |
|---|---|
| Vanessa Sotelo Quintela, VANESSA SOTELO | C.D. Futsi Atlético Navalcarnero |
| Irene Córdoba Monedero, IRENE | C.D. Futsi Atlético Navalcarnero |
| Daniela Domingos Lopes, DANY | Pescados Rubén Burela F.S. |
9 do futsal galego
