A futbolista Misa, ex xogadora do Dépor ABANCA e que actualmente milita no Real Madrid, viuse obrigada este mércores a eliminar un chío en Twitter. O motivo foi a cantidade de comentarios machistas recibidos como resposta a unha publicación cunha foto súa e unha do futbolista e compañeiro de club Marco Asensio, e o texto “misma pasión”.
Como mostra de apoio e en resposta ás accións machistas vistas no Twitter, o propio Asensio replicou o chío de Misa, adxuntando unha foto de cada un celebrando un gol e engadindo a mensaxe “que nada nin ninguén te impida dicir o que pensas”.
Misma pasión ⚪ 💪
Que nada ni nadie te impida decir lo que piensas.@marisabelrr1 @realmadridfem @realmadrid pic.twitter.com/wLybiMhGkS— Marco Asensio (@marcoasensio10) April 7, 2021
O chío de Misa
Tras a vitoria do equipo masculino do Real Madrid ante o Liverpool, nos cuartos de final da Liga de Campións, a futbolista branca publicou no seu perfil de Twitter a mensaxe que desataría o machismo dalgúns usuarios desta rede social.
Con dúas fotos, unha propia e outra de Marco Asensio, aferrándo a camisola do club madrileño, e as palabras “Misma pasión” seguidas dun círculo branco e un emoticono dunha cara con corazóns, Misa mostraba a súa paixón polas súas cores.
Porén, a madridista tivo que eliminar esta mensaxe de orgullo ante o acoso que estaba a recibir en forma de comentarios machistas e mesmo homófobos de todo tipo. Un deles, moi repetido, e que tamén se observa nas respotas ao chío de Asensio, foi o de “mesma orientación sexual”.
A xogadora vén de colgar un novo chío nas súas redes na que agradece os apoios recibidos coa frase: “Grazas des o corazón” e o cancelo #MismaPasión.
Gracias desde el corazón. #MismaPasion pic.twitter.com/lYEaFJd3wS
— Maria Isabel (@marisabelrr1) April 8, 2021
O mundo do fútbol mobilízase contra o machismo
Como contrapunto positivo, os chíos en apoio a Misa non tardaron en inundar a rede. Futbolistas madridistas como o xa mencionado Asensio ou Granero, Marcelo, Casemiro, Vinicius e Lucas Vázquez tamén se mobilizaron en contra do machismo e en apoio á porteira seguindo a mesma mensaxe: unha foto da xogadora e outra súa e o lema “Misma pasión”.
A iniciativa traspasou as paredes do Real Madrid, e tivo réplicas en clubs como o F.C. Barcelona, Leganés, Bayern, Chelsea e outros con figuras como Reguilón, do Tottenham, ou Jovic do Eintracht Frankfurt, entre moitos máis. Tamén quixo expresar o seu apoio a ex compañeira da gardameta nas filas deportivistas, Nuria Rábano.
💙 Misma pasión🤍 pic.twitter.com/hwQ9ohjAgL
— Nuria Rábano (@nuriaablanco11) April 7, 2021
En Galicia a reacción non se fixo esperar e o anterior club de Misa, o R.C. Deportivo, tamén se sumou ao apoio cunha foto de Athenea e Peke e outra de Bergantiños e Miku festexando un gol coa mensaxe “mesma paixón”.
MESMA PAIXÓN 💙 MISMA PASIÓN
⚽️ #UnÚnicoLatido 💙 #razónDÉcorazón pic.twitter.com/O9xee5jER3
— RC Deportivo (@RCDeportivo) April 7, 2021
Todo o deporte compite #ConPasiónComoMisa
O movemento “Misma pasión” chegou aos Trending Topics de Twitter, mostrando o mesmo nivel de implicación e compromiso entre mulleres e homes en todos os deportes.
Ademais da conta oficial da Selección Española de fútbol, na que compite e coa que está actualmente concentrada a propia Misa, a de baloncesto tamén se uniu á iniciativa.
Diferentes disciplinas deportivas e xente do deporte espallada por distintas partes do mundo sumáronse a esta protesta contra do machismo co cancelo #MismaPasión. Adestradoras, árbitras, afeccionadas, e até xente de fóra do deporte, como un colectivo taxista da cidade de Madrid, sumáronse á tendencia para facer saber ao mundo que se posicionan ao respecto de que non debe haber diferencias entre homes e mulleres.
MISMA PASIÓN 🇪🇸
◻️ @SeFutbolFem | @SeFutbol pic.twitter.com/tySavShmUE
— Selección Española Femenina de Fútbol (@SeFutbolFem) April 7, 2021
🇪🇸🏀 MISMA PASIÓN 🇪🇸🏀#LaFamilia #SomosEquipo pic.twitter.com/hEuv6FaSnp
— Baloncesto España (@BaloncestoESP) April 7, 2021
No ámbito do baloncesto, tamén expresaron o seu apoio xogadores como Pau Gasol ou a ex xogadora Marta Fernández, cunha foto súa e do seu irmán, Rudy Fernández.
Misma pasión #ConPasiónComoMisa 👊 pic.twitter.com/HJsrkcu6KW
— Marta Fernández (@MartaFernandez5) April 7, 2021
