- A Real Federación Galega de Fútbol volve apostar pola igualdade e acaba de converterse deste xeito na Federación pioneira en España en incorporar mulleres ao fútbol veterano.
- Varios clubs pediran á RFGF poder contar con mulleres nas súas filas, entre deles o Zacande-Terras de Curro, Bodegón JJ e Bermes.
Así, e desde esta mesma fin de semana, todas as mulleres maiores de 30 anos poderán xogar na liga de Veteranos despois de que a entidade que preside Rafael Louzán sexa a primeira en España en aceptar licenzas femininas nos equipos masculinos.
A iniciativa impulsada pola Federación comezou a tramitarse hai dous meses, cando varios equipos solicitaron poder contar con mulleres nos seus equipos. Foron tres clubs (Zacande-Terras de Curro, Bodegón JJ e Bermes) os que pediron á RFGF poder tramitar licenzas femininas, pero cada vez son máis os que se están animando.
José Manuel Fernández, vicepresidente da RFGF e responsable da competición: “É fundamental que xogadores e xogadoras teñan as mesmas oportunidades”
“É fundamental que xogadores e xogadoras teñan as mesmas oportunidades”, apunta José Manuel Fernández, vicepresidente da RFGF e responsable da competición. “Queremos volcarnos con todos os equipos que queiran incorporar a mulleres aos seus equipos. Imos dar todo o apoio necesario e animar aos equipos con todas as facilidades posibles”, engade.
José Manuel Fernández, vicepresidente da RFGF e responsable da competición: “Queremos volcarnos con todos os equipos que queiran incorporar a mulleres aos seus equipos. Imos dar todo o apoio necesario e animar aos equipos con todas as facilidades posibles”
A Liga de Veteranos é agora, competición mixta
Esta medida adoptada pola RFGF segue a doutrina reiterada do Comité Galego de Xustiza Deportiva (CGXD) pola que non é admisible baixo ningunha perspectiva constitucional a existencia dunha única competición de fútbol, ao caso da categoría Veteranos, na que se permita a participación exclusiva dos homes e que as mulleres estean excluídas dunha práctica federada.
Así, e ante a inexistencia da categoría Veterano Feminina, as competicións da categoría veteranos deberán adoptar o carácter de mixtas.
Aposta pola igualdade en varias frontes
A Real Federación Galega de Fútbol considera que deste xeito “volve demostrar que aposta pola igualdade con máis forza que nunca. Ademais desta última medida relacionada coa competición de Veteranos, desde a chegada de Rafael Louzán á presidencia da Federación o número de clubs, equipos e licenzas femininas segue evolucionando a un ritmo de vertixe”.
Cómpre lembrar que a RFGF puxo en marcha esta mesma campaña a Liga Galega cadete exclusivamente feminina, unha categoría que se suma a outras como a Liga Galega Promesas ou a Liga Galega infantil feminina, ademais das dúas primeiras divisións do fútbol feminino autonómico.
