As Xornadas OnLine da Real Federación Galega de Fútbol están a propór á audiencia en internet unha serie de conversas con diferentes protagonistas deste deporte. Previamente se emitiron charlas nas que tomaron parte árbitros, xornalistas, e adestradores. Agora é a quenda de tres preparadoras especializadas en fútbol feminino.
O vindeiro martes 28 de abril ás 19:30 horas a RFGF propón “Falemos de fútbol feminino desde a casa” con María Pry, adestradora da U.D. Levante, Manu Sánchez, entrenador do RC Deportivo ABANCA e Toña Is, ex seleccionadora de España Sub-17. A charla poderá seguirse en directo a través da canle de YouTube e o Facebook Live da Federación.
Toña Is, gañadora do Mundial Sub-17 do 2018
María Antonia Is Piñera (Oviedo, 1966), coñecida como Toña Is, é toda unha pioneira no fútbol feminino. Como futbolista colgouse do pescozo a medalla de bronce na Eurocopa de 1997, máxima distinción conseguida pola Selección Feminina.
Tras a súa retirada como deportista, Toña pasouse aos bancos, onde en 2015 deu en converterse na primeira seleccionadora en España. Xa no ano 2018 gañou o Mundial Sub-17 co combinado español. Este é único que hai arestora nas vitrinas do fútbol feminino español.
Como adestradora, tamén sumou un bronce mundial aló polo ano 2016 e un ouro no 2018, así como e dúas pratas (2017 e 2016) en Europeos de categorías inferiores. Uns éxitos que lle valeron para ser nomeada ao ‘The Best’ como adestradora en 2019.
Desde hai uns meses xa non forma parte da estrutura da RFEF.
María Pry única mullera á fronte dun equipo da Liga Iberdrola
María del Mar Fernández Montero (Sevilla, 1984), coñecida futbolísticamente como María Pry, é a única muller que lidera o corpo técnico dun club da Liga Iberdrola tras a destitución de Irene Ferreras no Valencia.
Despois de ascender co Betis e consolidalo na máxima categoría, o pasado verán o Levante, un dos históricos do fútbol feminino, confioulle o seu proxecto para desafiar o liderado do FC Barcelona e o Atlético de Madrid.
Manu Sánchez, un home que xa fixo historia no futfem galego
O actual adestrador do Dépor ABANCA, Manu Sánchez, di que deportivista ata a medula “desde que ten uso de razón”. Debutou como porteiro aos 6 anos e levaba máis de 10 adestrando ao equipo feminino Orzán, xerme do Dépor Abanca.
En só tres anos guiou ao Deportivo Abanca, a sección feminina do Dépor, directo á Primeira División. Manu está considerado o líder da gran revelación do fútbol feminino español.
Outros protagonistas das charlas da RFGF
Antes de María, Manu e Toña, xa pasaron polas Xornadas OnLine e o “Falemos de…” outros protagonistas como: Paco Jémez, Miroslav Djukic, Eusebio Sacristán, Sergio González, Pitu Abelardo, José Luis Mendilibar, Óscar García, Fernando Vázquez, Curro Torres, Rubén Albés, Rafa Sáez, Luis Carro, Terio Carrera, Pedro Pablo Alonso, Paulo Alonso, Ignacio Iglesias Villanueva e Diego Sánchez Rojo.
XORNADAS ONLINE
🗣️ A ex seleccionadora Toña Is, a adestradora do @LevanteUD Feminino @MariaPry8 e o míster do @RCDeportivo Abanca @ManuSanchez04 serán os protagonistas este martes nas Xornadas Online da RFGF
📅 MARTES 28 de abril
⏰ 19.30 horas
🔗 https://t.co/13TpSNVY1B pic.twitter.com/2fat0SD4uh
— RFGF (Na Casa 🏠) (@futgal) April 25, 2020
