En As Nosas preguntámonos se se poden mercar as elásticas dos equipos da Liga Iberdrola nas tendas online dos diferentes clubs. Por certo, mercarías a da túa futbolista favorita?
Que o fútbol feminino gaña seareiras acotío, é unha realidade. As cotas televisivas medran e as canchas ven como a afluencia de público se incrementa. Pero, rendabilizan os clubs este aumento de masa social? Varias son as canles de ingresos que os equipos deportivos teñen sexa da disciplina que sexa. A venda de entradas ou os dereitos de imaxe son as máis obvias. Dentro do capítulo de explotación da imaxe se incluirían non só as transmisións de partidos vía televisión, que actualmente son unha das grandes fontes de ingresos no fútbol, se non tamén toda a venda de equipacións e de merchandising. En As Nosas, preguntámonos precisamente nesta ocasión se os clubs da Liga Iberdrola comercializan as súas camisetas. A resposta é moi galega: depende. Hainos que si, e hainos que non. Hai conxuntos que tendo equipo masculino e feminino só venden a dos homes. E hai equipos que comercializan as dúas opcións. Tamén hai clubs nos que a camiseta do feminino e a do masculino son iguais e polo tanto véndese só unha por que non hai outra. A última pata da ecuación son os equipos que só teñen equipos femininos. Repasamos as súas webs para ver se teñen dispoñibles opcións de tenda online e se nela está á venda a camiseta do equipo da Liga Iberdrola.
RC Deportivo
Empecemos por Galicia. O RC Deportivo ABANCA non comercializa actualmente as camisetas do seu equipo feminino. Só se pode comprar a do masculino. No club explica que se trata dunha cuestión de respecto a acordos comerciais vixentes. Contámovolo con máis detalle na nova: O RC Deportivo non comercializa as camisetas do Dépor feminino.
No caso do CD Tacón o club non dispón dunha ligazón a unha tenda online na súa web. Ten unicamente equipo feminino, polo que de realizar venda en tendas físicas, sería da camiseta do equipo feminino.
EDF Logroño
Estamos nun caso similar ao anterior. As Escolas Deportivas de Fútbol de Logroño se centran no fútbol feminino e non se atopa na súa web unha ligazón a un espazo de venda dixital.
FC Barcelona
Na casa blaugrana a tenda dixital de venda de camisetas está vencellada a Nike. Nese espazo pódense ver imaxes das camisetas do equipo feminino, que é diferente á do masculino. Pero na tenda online, non somos quen de atopar o espazo de compra desas elásticas.FC Barcelona / NIKE O que si se pode facer, é persoalizar as camisetas cos nomes de xogadoras como Alexia Putellas ou Jenni Hermoso, pero segundo a imaxe ilustrativa que se ve reflectida na citada web, no peito consta o patrocinador do primeiro equipo masculino Personalización camiseta FC Barcelona / NIKE
Estamos novamente no caso du club de fútbol feminino. Na súa páxina web non atopamos unha ligazón a un espazo de venda online de equipacións deportivas do Madrid Club de Fútbol Femenino.
Real Betis
Outro club que non parece recoller na súa tenda onlinea venda das camisetas do equipo feminino é o Real Betis.
Rayo Vallecano
As equipacións do equipo masculino e feminio do Rayo Vallecano de Madrid SAD son iguais e si se poden mercar na tenda dixital do club.
Os equipos masculino e feminino do Valencia CF non comparten patrocinadores. Na tenda online unicamente se atopa á venta a camiseta do equipo masculino. Consultando na tenda física de Mestalla a resposta que se traslada vía teléfono é que o pasado ano si estaba a venda, pero que este ano, xa non. Como deciamos ao comezo, non hai unha pauta nos equipos da Liga Iberdrola. Hai equipos que si venden as súas camisetas nas súas tendas online e outros que non. Hai outra pregunta que se desprende desta que hoxe tentamos responder e que trasladamos ás lectoras:
