Galicia conta cun novo equipo que se suma á modalidade de Fútbol a Pé, e Lugo é o seu fogar.
O Fútbol a Pé é unha disciplina integradora que se practica de xeito mixto. A idea da Federación Galega de Fútbol (RFGF) é que pouco a pouco vaia gañando deportistas por diferentes puntos do territorio galego.
O Fútbol a Pé deixou de ser unha modalidade exclusiva de Cangas. Tal e como contan desde a Federación Galega de Fútbol (RFGF), alí naceu da man de José María Rial, un adestrador e un home de fútbol que creou esta disciplina que une deporte, saúde, benestar e unhas grandes dosis de deportividad e bo ambiente.
Desde hai uns anos José María Ria traballa da man da Federación Galega de Fútbol (RFGF), que viu nesta modalidade unha importante e necesaria saída para moitos deportistas que por distintas circunstancias xa non poden ou non queren xogar ó fútbol tradicional.
O Fútbol a Pé ten unhas premisas básicas: non se pode correr, non se pode entrar ao adversario, ten un número limitado de toques por xogador en cada acción e hai que marcar gol tirando a portería desde dentro do área. Ademais é unha modalidade mixta.
En definitiva, ten unha premisa primordial. Xógase en equipo e coa máis absoluta deportividade. Pero iso non significa que non se faga deporte. Andando si, pero de maneira rápida e facendo quilómetros. Unha disciplina que combina perfectamente a saúde física e a saúde mental. Estes aspectos distánciano do walking football que se xoga en Inglaterra e en algúns puntos de España, pero que ten un afán competitivo que nada ten que ver cos obxectivos primordiais da disciplina galega.
Fútbol a Pé en Cangas, Mos, Lugo, Ourense, Santiago e Vigo
O Fútbol a Pé está moi desenvolvido en Cangas, pero precisaba dar un salto para comezar a expandirse por toda Galicia. En Vigo tamén existe un grupo de practicantes e xa se tentou igualmente en zonas como Ourense e Santiago, donde está en proceso de consolidación. Pero donde xa se consolidou é en Lugo.
Un grupo de amigos quixeron apostar por esta modalidade logo de coñecela nun primeiro torneo de proba. E agora xa son preto de 60 practicantes os que forman a Asociación Legado San Roque FAP. As súas sensacións son moi positivas e a súa intención e ir medrando ata formar unha liga na cidade e entorno.
Lugo súmase así a Cangas e nos vindeiros días tamén se vai consolidar un grupo en Mos. Desde a Federación Galega de Fútbol (RFGF) confían en que «este sea só o principio e que pronto falemos de Fútbol a Pé en toda Galicia».
A modalidade desenvólvese baixo o amparo da Federación Galega de Fútbol (RFGF), que designou a José María Rial como o responsable da mesma. De feito, xa están en marcha cursos formativos para árbitros e adestradores, os cales tamén están dirixidos polo propio Rial coa colaboración da Comisión Técnica de Árbitros de Fútbol Sala e pola Escola Galega de Adestradores.
A iso súmase que os xogadores e xogadoras teñen a esixencia de contar con licencia federativa para cumplir coa Lei do Deporte e contar así co seguro médico que aporta a Mutualidade de Futbolistas.
Todos aqueles que teñan interés en coñecela, en organizar algunha charla informativa ou algún torneo de proba, só teñen que poñerse en contacto coa Federación Galega de Fútbol (RFGF) ou directamente con José María Rial.
O Fútbol a Pé veu a Galicia para quedarse e a creación deste grupo en Lugo, denomiando Asociación Legado San Roque FAP, é a clara mostra de que a súa expansión na nosa terra xa é unha realidade tanxible.















