De tres xornadas da segunda fase, o PM Friol só puido disputar unha. Un gromo de COVID-19 no conxunto lucense impediu que se xogaran o segundo e terceiro encontro desta parte da competición, pero as galegas xa están listas para volver á acción e saltar ao terreo de xogo. A seguinte cita para elas será hoxe, sábado 10 de abril, ás 19:30 horas. Enfronte terán como rival a o equipo da UD Collerense.
As ganas por volver ao campo desbordan ás futbolistas do Friol, que porén deberán ter coidado coa volta, xa que “son moitos días paradas para o tema das cargas e non deixa de ser un hándicap porque o resto de equipos estivo adestrando e competindo e ti non puideches saír da casa”, recorda a coordinadora Covi Regueiro.
Malia que todo o plantel se atopa en perfectas condicións e non tivo que sufrir síntomas da enfermidade, pasar tanto tempo sen ter contacto co balón pode pasar factura no físico e no competitivo. “Ao final tes menos tempo para preparar os partidos e ao ter aplazados, nesta segunda fase hai menos xornadas libres para recuperar e acumúlase aínda máis o calendario”, subliña na súa reflexión Covi Regueiro.
Covi Regueiro, do Friol, analiza ao Collerense
O seguinte rival das lucenses nesta volta aos campos é a UD Collerense, un conxunto que ocupa a posición de colista no grupo de loita pola permanencia no Norte. Con sete puntos, son o cadro menos vencedor, facéndoo só en dúas ocasións e cun empate ao seu favor. En contra, 45 goles e unha diferenza de 26 cos anotados para as futbolistas da illa de Mallorca.
Covi Regueiro: “Teremos que estar moi centradas e ter a sorte cara o gol que nestas xornadas se nos escapa”
Con todo, a exfutbolista do Peluquería Mixta Friol, Covi Regueiro, advirte que no caso da UD Collerense estamos ante dun conxunto que “engana moito pola clasificación. É un equipo que se o analizas cos puntos dis pois temos opcións, pero creo que será un partido moi complicado, non só porque saiamos do confinamento e teñamos pouco tempo para traballar, senón tamén porque é un equipo que competiu nun grupo moi complicado, con Barcelona, Alavés, Osasuna e rabuñou puntos a eses rivais e ningún equipo lle goleu. Iso di moito del”, advirte a representante do club lucense.
Malia ser un equipo favorito para o descenso nesta Liga Reto Iberdrola, confianza hai que ter a xusta. Seguramente as de Mallorca han remartar por ser un rival complexo para un P.M. Friol que non está nada cómodo agora mesmo na táboa clasificadora.
As lucenses a tesoran no seu casilleiro 14 puntos, deste xeito, dobran ás súas contrincantes desta xornada, pero están a dous da liña da salvación. Ademais, Regueiro sinala do Collerense ás súas xogadoras “rápidas que teñen claro o que teñen que facer e poden e que poden complicar o partido perfectamente” e o seu “nivel defensivo”. “Teremos que estar moi centradas e ter a sorte cara o gol que nestas xornadas se nos escapa”, declara a ex xogadora do Peluquería Mixta Friol.
O conxunto lucense do Friol ten motivos para ser positivo
Malia un mal comezo de tempada, o Friol ten motivos para ser positivo. De feito, ten opcións de permanecer na Reto Iberdrola no próximo curso. A propia Covi Regueiro salientaba nunha entrevista con As Nosas a importancia de ir “partido a partido” e sumar puntos máis aló de ofrecer unha boa imaxe no terreo de xogo, para, finalmente, a cadar a grande meta deste curso: seguir o próximo na categoría de prata do fútbol feminino español: a Liga Reto Iberdrola.
Covi Regueiro: “Hai que ir partido a partido intentando sumar o maior número de puntos posibles”
