Máxima emoción para as dúas últimas xornadas no campionato de Primeira Nacional Feminina. O PM Friol estivo moi preto de cantar o aliron a falta das dúas últimas xornadas en disputa, pero conseguiu virtualmente unha das prazas que lle dan acceso directo a futura Terceira División RFEF.
As lucenses cumpriron gañando 3-2 no seu partido contra o Sardoma CF , ata ese momento segundo clasificado, pero o empate do Oviedo Moderno CF “B” ante a UD Mos evitou que as pupilas de María Covadonga Regueiro Covi puidesen festexar o título ligueiro. A súa goleadora Alicia Martínez volveu a ver porta e xa leva 18 dianas en 24 xornadas.
As viguesas non llelo puxeron nada doado ás lucenses. De feito, chegaron a ir por diante cun 0-2 na Reigosa con goles de Yaiza. Logo chegarían os goles de Stefanie Conceiçao, Alicia e o tanto en propia porta de Ainoa Galarza que puxo o 3-2 final no marcador na Reigosa.
Co resultado de onte o PM Friol será campión na vindeira xornada se logra, coma mínimo, un empate ante o Olímpico de León no campo da Reigosa. Incluso perdendo este partido ten opcións reais de alzarse co torneo, pero neste caso o Oviedo Moderno tería que empatar o perder o seu partido contra o Sardoma CF nun encontro decisivo para ambos os conxuntos posto que está en xogo o acceso á futura Terceira División RFEF.
No pudo ser.Ante un gran partido de las blanquiazules y con más ocasiones,en los últimos quince minutos cedimos los tres puntos al Friol.
Seguimos dependiendo de nosotras mismas,dos partidos,dos finales.Toca recomponerse y pelear hasta el final.#aupasardoma #enormeequipo 💙— Sardoma C.F. (@SardomaCdF) April 3, 2022
A disputa principal, por tanto, nas dúas últimas xornadas serán as prazas de acceso a esta nova división, unha directa, acompañando o PM Friol, e outra para o club que quede terceiro xa que os seis mellores terceiros da cada grupo da Primeira Nacional Feminina formarán parte da Terceira División.
Lembremos que a nova Terceira División RFEF de fútbol feminino, prevista para a tempada 22/23 estará composta de dous grupos de 16 equipos, o que conformará unha categoría cun un total de 32 equipos: 14 equipos proveíntes da Segunda División RFEF, e 18 da actual Primeira División Nacional de la temporada 21/22. Os dous primeiros clasificados da Primeira Nacional acceden directamente á nova Terceira do fútbol español.
O Viajes InterRías regresa á zona de ascenso
O que parte con vantaxe é o Viajes InterRías Fútbol Feminino tras a súa vitoria o pasado sábado contra o CD Olímpico de León por 4-0. Neste momento o equipo que adestra Treviño ostenta a segunda praza e os seus rivais directos, Sárdoma e Oviedo, enfróntanse nesta xornada. As de Portonovo están de volta na zona de ascenso e xogarán co Real Sporting De Gijón SAD “B” nun encontro no que parten como claras favoritas. Hai moito por decidir nesta categoría e ollo xa que o calendario é propicio para as de Sanxenxo.
Por outra banda, o que perdeu calquera tipo de opción para acceder a Terceira División RFEF foi o Deportivo ABANCA “B”, que caeu en Santa Isabel contra o Victoria FC na súa loita por eludir o descenso directo. As santiaguesas terán esta xornada unha última oportunidade contra o farolillo vermello, o SD Villestro.
Deportivo ABANCA B e Victoria CF xogarán esta fin de semana xa sen opcións pero co incentivo de gañar o derbi herculino. O mesmo ocorre cos encontros Versalles A – Umia CF e Gijón Fútbol Femenino- UD Mos, na parte tranquila da taboa. Todos estes equipos xa teñen asegurada a súa presenza para a vindeira tempada na Primeira Nacional que estará composta de 96 equipos con seis grupos de 16 formacións.
