Non foi a tempada do PM Friol. Con todo encontra, as galegas competiron un ano moi duro no que os resultados non acompañaron ao esforzo sobre o campo. O equipo de Covi Regueiro despide o curso na última posición do grupo Norte D e xogará a vindeira tempada en Primera Nacional.
No derradeiro encontro da campaña, as lucenses visitaron a un RCD Espanyol B que foi superior, pero que finalmente tamén perderá a categoría. O Friol certificou o seu descenso na xornada anterior, cando acadaron un empate ante o UD Collerense, cun punto que de poco serviu.
As galegas finalizan a tempada cun balance de catro vitorias, tres empates e 17 derrotas, sumando 15 puntos e un coeficiente de 0,625. O conxunto de Regueiro comezou esta segunda fase sendo as favoritas para evitar o descenso, pero co paso das semanas, non foi capaz de abandoar as posicións vermellas da táboa.
Así foi o derradeiro partido do Friol en Reto Iberdrola
O Friol saiu a competir xa sen nada en xogo, pero consciente da importancia que tiña este duelo para o seu rival, un RCD Espanyol B en busca da salvación.
Unha vez máis, a sorte non acompañou ás galegas, que non foron capaces de controlar o partido. O primeiro tanto perico chegou aos dous minutos do inicio, obra de Clara de Clemente e, antes do descanso, as catalás aumentaron a súa renda con gol de Lidia Rubio no 27.
Na segunda metade, un Friol xa descendido loitou por despedir a tempada con bo sabor de boca. O banco galego moveuse para dar entrada a Mónica Barreiro no 51 e Laura de la Torre no 70, pero nin os cambios nin un RCD Espanyol B máis apagado cambiaron o guion que xa quedara escrito. (2-0)
