O vindeiro sábado ás 19:00 viviremos un auténtico festival do fútbol galego no que será a última xornada primeira volta. No Municipal de Sequelo, Pili Costa enfrontarase ao seu antigo equipo, o Viaxes Amarelle no que será o duelo destacado da xornada. O liderato en xogo entre dous equipos que tan só os separan dous puntos. Á mesma hora en Castro de Rei, poderemos disfrutar do derbi entre Castro e Ourense Envialia B.
O liderato en xogo na Raña
O partido da xornada enfronta ao Fisgón e ao Viaxes Amarelle, segundo contra primeiro na 13º xornada este sábado 18 de xaneiro de 2020 ás 19:00 horas no Pavillón Municipal de Sequelo (Marín – Pontevedra). As herculinas queren pechar unha primeira volta sen derrotas, mentres que as de Marín, gañar e poñerse líderes.
As de Pili Costa ocupan actualmente a segunda posición da táboa, con 29 puntos na marcadora tras sumar 9 vitorias e 2 empates nos once encontros que disputaron ata a data. É o segundo equipo máis anotador da competición con 48 goles a favor e o segundo que menos encaixa con 17 goles en contra. É o único equipo invicto, xunto coas herculinas, tras encadear todo vitorias, agás os dous empates fóra da casa fronte ao Universidade de Valladolid FSF e o UDC Txantrea FSF. Actualmente encadean 6 vitorias consecutivas.
Pili Costa, adestradora do Fisgón: “Xogamos ante o mellor equipo da categoría, pero aínda así imos tentar saír a gañar o partido desde o minuto uno, con moitas ganas e ilusión”.
Será un día de grandes reecontros xa que o banco do Fisgón está representado por Pili Costa, adestradora que estivo a dirixir ás herculinas durante tres tempadas, e coas que conseguiu o ascenso á Primeira División Nacional Feminina FS.
Pili Costa, adestradora do Fisgón: “Viaxes Amarelle son o rival para bater esta tempada. Sabemos que elas chegan ao encontro con moitas baixas pero estou segura que as xogadoras que entren van ter un gran nivel e non se vai a notar a diferenza”
O persoal herculino terá a baixa segura de Tami, que terá que cumprir sanción, mentres que Reneé e Martita son serias dúbidas para o encontro desta fin de semana. Estas tres xogadoras xa foron baixa a pasada fin de semana no duelo contra o FSF Castro.
Pili Costa, adestradora do Fisgón: “Estiven no Viaxes Amarelle durante tres anos e adestrei ao 70% das xogadoras que seguen no equipo, coñezo moi ben as súas fortalezas e as súas debilidades”.
Pili Costa, adestradora do Fisgón: “Afrontamos o partido como un partido máis, aínda queda toda a segunda volta. Estes tres puntos son igual de valiosos como os que conseguimos con moito sufrimento ante o Orvina”.
Ao igual que o conxunto coruñés, as de Costa chegan ao partido con bastantes baixas. Ainda así, seguro que viviremos unha gran tarde de fútbol entre o primeiro e o segundo da división de prata do fútbol sala.
O derbi da xuventude
O Castro, debutante na categoría recibe no seu feudo ao filial ourensán. Ambos conxuntos teñen plantillas moi xóvenes pero que están a facer un gran papel na división de prata do fútbol sala. O derbi das promesas vivirase no Municipal de Castro.
O técnico do FSF Castro, Martínez, destacou durante a previa a xuventude do seu plantel e os grandes resultados obtidos nesta primeira volta, que ata sorprenderon as propias galegas. “Este equipo conseguiu o ascenso á segunda nacional cun cadro de persoal de 6 ó 7 xogadoras, que hoxe seguen sendo imprescindibles nesta categoría. Somos un persoal curto e moi novo. Nove xogadoras e das cales dúas porteiras. Todas elas sub20 excepto unha xogadora con 22 anos”.
Martínez, adestrador do Castro: “Creo que nesta primeira volta que está a piques de finalizar, as máis sorprendidas somos nós”.
“A verdade é que a sorte sempre foi o noso aliado en canto a lesións e ausencias. Estas seis ou sete xogadoras, salvo puntualizacións, sempre estiveron dispoñibles en case todos os enfrontamentos”, referiuse Martínez á boa dinámica.
O adestrador galego falou da dificultade que terá o seu equipo durante a segunda volta: “Somos conscientes de que nos espera unha segunda volta moi difícil, os números do noso plan están máis que superados, aínda que esperamos sumar outros 3 puntos (19 puntos na primeira volta) coa vitoria do próximo sábado ante un rival tan difícil como o é o Ourense Envialia B, tamén un persoal novo aínda que máis experimentada na categoría que a nosa”.
Martínez, adestrador do Castro: “Os números do noso plan están máis que superados, aínda que esperamos sumar outros 3 puntos coa vitoria do próximo sábado ante un rival tan difícil como o é o Ourense Envialia B”.
Ata hoxe só perdimos tres puntos na nosa casa e tentaremos seguir nesta línea, facer un fortín da nosa pista. A confianza do equipo está intacta para seguir sumando e queremos que o Ourense non trastoque os nosos planes.
As lucenses chegan coa única dúbida de Andrea Mosquera para este encontro.
Rubén Carballo: “A nosa meta é formar ás xogadoras para que poidan participar co primeiro equipo”
Rubén Carballo eloxiou a gran primeira volta que está a facer o Castro, no seu debut na categoría de prata: “O Castro é un rival que é novato na categoría pero que está a facer as cousas moi ben. Afrontamos o partido sen ningún tipo de presión e con normalidade. Sumar tres puntos sería importante para igualalas a puntos e acabar así a primeira volta con 16 puntos”.
Rubén Carballo, adestrador do Ourense Envialia B: “Como filial queremos que as xogadoras seguen crecendo e progresando. A nosa meta é formar ás xogadoras para que poidan participar co primeiro equipo. Obxectivo é salvar a categoría sen pasar apuros”.
De gañar o partido, o filial ourensán igualaría a puntos ao Castro e terminaría a primeira volta na zona temprada da táboa. Esta semana foi algo complicada para as de Carballo xa que contaron con varias baixas: “Afrontamos o derbi cunha semana un tanto especial nos adestramentos, xa que varias xogadoras arrastran molestias. Carla e Moirama seguen de baixa. Andrea non puido adestrar con normalidade durante a semana e Alba carrexa unha serie de molestias que non sabemos se chegará ao derbi”.
