“Se estamos a bo nivel creo que podemos facer fronte a este partido”, foron as verbas da adestradora do Fisgón durante a previa do partido ante o Universidad de Valladolid. As de Marín reciben a un equipo necesitado de puntos, un conxunto vallisoletano na 9ª posición con 14 puntos. O conxunto galego adestrado por Pili Costa xogará na súa casa ante o Universidad de Valladolid ás 19:00 horas o duelo correspondente á 15ª xornada da Segunda División.
Pili Costa falou da dificultade do partido do sábado ante un rival que xa na ida puxo en apretos as galegas que non puideron pasar dun empate 2-2: “No partido de ida empatamos a dúas e xa sabemos que nesta categoría calquera rival pódeche complicar. Estou moi contenta co traballo que están a facer as xogadoras”.
Pili Costa, adestradora do Fisgón: “No partido de ida empatamos a dúas e xa sabemos que nesta categoría calquera rival pódeche complicar. Estou moi contenta co traballo que están a facer as xogadoras”.
A adestradora galega destacou “a ilusión” coa que o Fisgón afronta o partido. “Sabemos que o Valladolid vai a ser un rival moi duro. Non poñen as cousas fáciles. Elas encérranse moi ben en zona defensiva”, destacou Pili Costa a capacidade defensiva do seu rival do sábado.
Pili Costa, adestradora do Fisgón: “O partido afrontámolo con toda a ilusión do mundo. Sabemos que o Valladolid vai a ser un rival moi duro. Non poñen as cousas fáciles. Elas encérranse moi ben en zona defensiva”.
Por último, a adestradora das de Marín fixo fincapé nas baixas e no curto plantel do que dispón: “Se estamos a bo nivel creo que podemos facer fronte a este partido. O importante ao final é que sexamos capaces de suplir as baixas. Seguimos tendo o problema de ter un plantel moi curto pero o equipo ten que estar por riba”.
Pili Costa, adestradora do Fisgón: “Se estamos a bo nivel creo que podemos facer fronte a este partido. O importante ao final é que sexamos capaces de suplir as baixas. Seguimos tendo o problema de ter un plantel moi curto pero o equipo ten que estar por riba”.
As galegas afrontan o partido coas baixas de Vera e Antía. Charo está con molestias e será dúbida ata última hora aínda que as previsións son favorables para que chegue ao partido.
