O futsal sala galego está de noraboa. A semana pasada a RFEF e a RFGF emitiu un comunicado no que se daba por finalizada a liga Regular. O Fisgón Futsal grazas á gran temporada realizada, reflectida no seu segundo posto do Grupo I de Segunda División, ratificaba así a súa participación no Playoff de ascenso a Primeira División do fútbol salga feminino xunto a outros dous equipos galegos, o Amaralle (1º) e o Valdetires (3º).
Esta fase de ascenso disputarase en formato expréss , en data e lugar aínda por determinar, e sen afluencia de público debido ás normas impostas pola administración pola pandemia que estamos a sufrir. Nestas últimas semanas, desde que se decretou o Estado de Alarma, as xogadoras e corpo técnico seguiron adestrando e traballando desde casa á espera de que se comunicase de maneira oficial o desenlace da tempada.
Reforzo no corpo técnico para Pili Costa
Ao coñecer a noticia da finalización da competición regular, a directiva e dirección técnica do club moveron ficha incorporando inmediatamente a Ánder Muñoz Vitoria como preparador físico. Este profesional encargarase xunto a Pili Costa de establecer a planificación de adestramentos de cara á a volta á competición, buscando a mellora no rendemento e poñendo o foco en conseguir o ansiado ascenso para o conxunto galego.
A disputa deste playoff supón para O Fisgón Futsal unha oportunidade única e moi merecida para alcanzar o soño de competir en Primeira División. Ao comezo desta tempada 2019 2020 o obxectivo marcado pola Directiva a Pili Costa era asentar o club, estruturar e aumentar a Escola e establecer a base para loitar polo
ascenso na tempada 2020 2021. A boa tempada realizada adiantaron os prazos para as xogadoras marinenses.
Desde o club de Marín quixeron aproveitar e felicitar aos outros dous equipos galegos clasificados para a disputa do Ascenso dentro deste Grupo I, o histórico Valdetires FSF e o Viaxes Amarelle FSF, equipo que a tempada pasada xa competiu en Primeira.
