O Fisgón gañou de maneira cómoda ao Cde Muslera (1-4) e mantense moi vivo na loita polo liderato da Segunda División do Fútbol Sala. As de Marín amárranse a posición de prata da categoría e afrontan coa moral polas nubes o último partido antes do parón.
A dous puntos do Viaxes Amarelle, as de Pili Costa perseguen moi de preto na clasificación ás de Jorge Basanta. A próxima xornada medirán forzas cun oso duro de roer, o Comarcal A Fervenza. As ferrolás, terceiras na táboa, quererán recurtar distancias. Máis doado o terán as herculinas que visitan ás penúltimas, o Rodiles F.S. que ten so 7 puntos.
