Marín disfrutou hoxe dunha gran tarde de fútbol entre dous equipos galegos que optan a subir á categoría de ouro do fútbol sala feminino. A pesar do avultado do resultado, ambos equipos mostraron un gran espectáculo, nun encontro que decantouse nos últimos intres da segunda metade. O partido foise ao tempo de lecer coa ventaxa de tan só 1-0 para o Fisgón.
“O partido saíu tal e como o plantexamos. Sabíamos que nos ían a esperar a media cancha e decidímonos a presionar a toda a pista desde o primeiro minuto para levar nós o peso do xogo e do partido”, estas son as verbas de Pili Costa, adestradora do Fisgón, tras o encontro que enfrontou a dous rivales galegos e directos.
Costa destacou a clave do partido, que estivo no prematuro xogo de 5 por parte do equipo ferrolán: “Ao final da primeira parte, A Fervenza arriscou co xogo de 5 e tivemos que axustar porque sempre che sorprende que cho fagan na primeira parte, aínda que eu persoalmente esperábao. Cando xogas tanto tempo por porteiro xogador corres o risco de que se avulte o marcador, de aí o 6-1 final”.
Antía salvou momentos clave
Cando máis o precisaba o conxunto de Marín, emerxeu a figura da súa gardamallas. Antía, con varias intervencións de categoría, conseguío soster ao equipo.
A adestradora galega fixo referencia a gran actuación que tivo a cancerbeira local: “Tivemos ocasións moi claras con bos ataques e ao final puidemos abrir o marcador. É certo que elas tiveron algunha ocasión para facernos dano pero Antía, a nosa porteira, resolveu moi ben.
O Fisgón acaba o ano a tan só dous puntos do líder, o Viaxes Amarelle. Ademais, con esta vitoria aventaxa a Fervenza en 9 puntos e cun partido menos. Pili Costa non podía ocultar a felicidade tras o duelo galego: “Estamos moi contentas, sabiamos que era un partido durísimo, segundas contra terceiras. Por iso estou moi orgullosa de todas as miñas xogadoras. Hoxe fixeron un gran traballo e un gran partido”.
Vitoria de ambos equipos na xornada solidaria
No partido o Fisgón sacou os 3 puntos pero na xornada solidaria vivida hoxe en “A Raña” ambos equipos gañaron. A entrada de partido foi un donativo de alimentación infantil e/o cueiros en colaboración coa Asociación “Sor Elvira”. Afortunadamente, moita xente colaborou e foi un éxito acadado por ambos conxuntos para axudar aos máis necesitados.
“Gran resultado el conseguido hoy en “A Raña”. Tres puntos importantes que nos permiten seguir luchando por nuestro objetivo. Dar las gracias a todas esas personas que se acercaron al pabellón y colaboraron con la causa, incluso retando a la mala climatología. Dar también las gracias A Fervenza por sumarse a esta iniciativa de recogida de alimentación infantil y felicitarles por la gran temporada que están realizando”, publicaron as de Marín no seu perfil de Instagram.
FICHA TÉCNICA
O FISGÓN: Antía (P), Café, Mar, Vera y Pau. Banquillo: Marina (P), Charo, Kiko, Karen, Kun, Leon y Jessi.
A FERVENZA: Lu (P), Cris, María, Elvi y Nata Banquillo: Clara (P), Clau, Sofía, Ra y Sabela.
GOLES:
10′ 1-0 Charo
28′ 2-0 Kiko
31′ 3-0 Café
33′ 3-1 Ra
35′ 4-1
36′ 5-1
38′ 6-1
TARXETAS: Amarela para Elvi e Nata (Fervenza).
A nota positiva para A Fervenza, o avance na recuperación de Carmen
Malia o resultado, a parte positiva desta semana para o A Fervenza foi o éxito na operación da súa xogadora Carmen. Parte do plantel foi a visitala como amosa a fotografía. “Todo ha salido perfecto!!! Carmen, jugadora del primer equipo ya se encuentra con ánimos para empezar desde ya su proceso de recuperación junto a sus compañeras y técnicos”. Este foi a mensaxe publicada na redes sociais do conxunto ferrolán.
