O fina da primeira volta da competición leva ao Dépor ABANCA a medirse co Granada CF na súa cancha. O cruce será o domingo 15 de xaneiro a partir das 12:00 horas. O partido poderá verse en liña a través da canle de YouTube do club andaluz: GranadaCFtv. O escenario do choque desta 15ª xornada da Primera Federación FutFem da RFEF vai ser a Ciudad Deportiva del Granada CF.
As Nosas chegan a terras granadinas logo de gañar na xornada previa, en Abegondo, ao CD Alba Fundación Femenino (2-1). Actualmente as coruñesas son segundas na táboa con 28 puntos, os mesmos que o Cacereño Femenino. Por diante teñen á SD Eibar, líder con 29 puntos no seu casilleiro e a tiro de pedra das galegas.
Á convotoria regresa Samara Ortiz, recuperada da súa lesión. Pero agora é baixa Aroa Guerra, por mor dunha operación de apendicite. Na lista de Irene Ferreras para este desprazamento está a canteirana Paula Monteagudo.
#AsNosas convocadas para o partido da 15ª xornada de #PrimeraFederaciónFutFem: o domingo ás 12:00 h. na Ciudad Deportiva del Granada CF: #GranadaDéporABANCA (📺 Youtube: GranadaCFtv) pic.twitter.com/n0Z0Otn2fh
— RC Deportivo (@RCDeportivo) January 13, 2023
A adestradora deportivista apuntaba na rolda de prensa previa ao choqque que “hai xogadoras por descubrir. Confías nunhas, que establecen un pouco a base, as cousas funcionan e custa cambiar pero cada semana destaca unha diferente e faime poñerme na situación de ter que darlle oportunidades e ter a tranquilidade que neste equipo non dependemos de ninguén. Temos que tentar ser fortes desde o colectivo”.
O Granada CF, rival do Dépor ABANCA
Oitavo na táboa desta Primera Federación, o Granada CF suma 22 puntos. É dicir, ten 6 menos cas galegas. As branquivermellas, que acaban de incorporar á dianteira María Macías, arrancaron a liga en 2023 con derrota pola mínima a pasada fin de semana en Lezama ante o Athletic Club B (1-0).
No seu campo da Ciudad Deportiva, o Granada CF caeu unicamente co FC Barcelona B (2-3) na 1ª xornada de liga. Así que non o vai ter doado o equipo branquiazul. Roger Lamesa, adestrador das andaluzas, sinalaba na previa do choque aos medios que ve ao Dépor ABANCA, como “un adversario que aspira ao ascenso”.
Irene Ferreras: “O Granada é un equipo proactivo. Imos ter unha loita por quen ten o balón”
