O Club Rubgy Fendetestas de As Pontes quere ampliar o seu plantel feminino e para promover este deporte entre as mulleres organiza unha dobre xornada de portas abertas.
Este martes 18 e o vindeiro xoves 20, o club reunirase no campo artificial das Pontes de 20:00 a 22:00 horas, agardando a todas as rapazas, mulleres ou señoras que queiran probar o deporte oval e desfrutar co rugby.
Para ter máis información pódese contactar co club no 666 11 00 17, no mail info@crfendetestas ou nas súas redes sociais como Twitter, Facebook ou Instagram.
O equipo das Pontes xa ten participado previamente noutras iniciativas polo deporte feminino como a I Xornada Internacional sobre sexismo no contexto físico-deportivo, que contou coa presenza do club galego no pasado mes de outubro.
