No CR Fendetestas adiántanse á celebración do Día da Muller, o 8M, e celebraran o sábado, 6 de febreiro, un encontro virtual vía Zoom coas Irmandiñas do Pontevedra Rugby Club.
O club pontevedrés, que milita na División de Honor B, é un representante de todo o rugby galego a nivel estatal, ao contar cun plantel formado por xogadoras de toda a xeografía galega.
Así, o equipo das Irmandiñas queda conformado con mozas de distintos puntos de Galicia: 10 de Ourense, seis de Lalín, sete de Vigo, outras 10 de Santiago e 12 da propia canteira do Pontevedra RC.
Co galo do 8M, o Fendetesta quere homenaxear e visibilizar ás mulleres deportistas, especialmente a aquelas ligadas ao mundo do deporte oval, a través deste encontro virtual.
