O Antía’s Team despídese do soño olímpico. A embarcación das padexeiras galegas Jácome e Otero quedou fóra de Toquio 2021 ao clasificarse en quinta posición no Preolímpico de Szeged.
Cunha marca de 2:09.27, as dúas galegas quedaron na metade da táboa do C2 500, a catro minutos e medio da embarcación vencedora.
A primeira praza foi para as moldovas Daniela Cociu e Maria Olarasu, que fixeron un tempo de 2:04.93. A posición de prata quedou na embarcación das rusas Kseniia Kurach e Anna Kniazeva, sendo estas as últimas en clasificarse para os Xogos Olímpicos. Pola súa parte, o terceiro posto foi para as francesas Anais Cattelet e Eugenie Dorange.
Hai que baixar ata a quinta posición da táboa para atopar a Jácome e Otero, quenes completaron o C2 500 nun tempo de máis de dúas horas e nove minutos.
❗️| Las gallegas Antía Otero y Antía Jácome concluyen
quintas el C2 500 en el preolímpico europeo quedándose así fuera de los JJOO. pic.twitter.com/snFAh3DhRW — PiragüismoEspaña (@RFEPiraguismo) May 13, 2021
Xa antes de disputar a final, Otero afirmaba que ambas estaban “moi orgullosas de ter chegado ata aquí e de ter desfrutado este pequeno camiño xuntas”.
Ver esta publicación en Instagram
Antía Jácome aínda ten posibilidades de acudir aos Xogos Olímpicos
A padexeira galega Antía Jácome foi quen clasificou a embarcación española do C1 200, pero optou por competir no Preolímpico co C2 500, con Otero, con quen conseguiu a outra praza no Preolímpico. Nesta proba de Szeged, María Corbera clasificouse para Toquio 2021 impoñendose na súa proba individual.
Agora, a Real Federación Española de Piragüismo deberá decidir cun novo selectivo quen das dúas, Jácome ou Corbera, vai aos Xogos Olímpicos.
Coa galega obtendo a praza da embarcación no Preolímpico e a madrileña, segunda no selectivo, clasificándoa definitivamente para os Xogos, a RFEP deberá agora citalas para un duelo e decidir quen irá finalmente a Xapón.
Nas probas do clasificatorio a ceutí Isabel Contreras tamén obtivo a clasificación olímpica no K1 500. Pablo Martínez e Tano García pecharían a representación española clasificando o C2 1.000.
