O Ourense Envialia regresa á Primeira División e o fai cun partido en casa, onde recibirá ao FSF Móstoles. Despois de caer derrotado nos cuartos da Copa da Raíña polo Pescados Rubén Burela, o conxunto de Morenín buscará deixar atrás as derrotas e retomar a senda da vitoria. O duelo será este sábado, 8 de maio, ás 17:00 horas no pavillón de Os Remedios.
O primeiro trunfo ourensán nesta segunda fase fíxose esperar. Despois de tres derrotas consecutivas, as de Morenín gañaron ao Torreblanca Melilla por 3-4 na cuarta xornada. Pouco durou a alegría, xa que para a seguinte semana perderon cun contundente 9-4 contra o Burela, repetindo derrota nos cuartos da Copa da Raíña.
Deixando ás Guerreiras Laranxas xa atrás, o equipo do Ourense Envialia buscará nesta sexta xornada volver a puntuar, ante un rival a priori adquirible.
O Móstoles, rival parello para o Ourense Envialia
O FSF Móstoles é o sétimo clasificado, con seis puntos máis que as galegas, pero só 1,3 puntos de coeficiente por riba e dúas vitorias máis. Quitando ao equipo de Morenín, as madrileñas son as peores clasificadas.
Por este motivo, loitarán nesta xornada por aferrarse a unha das súas últimas opcións de rematar entre as catro primeiras. So os mellores equipos deste grupo C xogarán o play off polo título de campión.
Podes seguir o encontro en directo vía streaming a través do Youtube do Envialia.
