O Ourense Envialia manda esta curso no futsal ourensán, sumando outra vitoria no derbi co Cidade de As Burgas. A 18ª xornada de Primeira División resolveuse para as ourensás cun 7-1, nun duelo competido na primeira metade e resolto polas locais na segunda.
Ambos conxuntos da mesma cidade chegaban en condicións e con necesidades moi diferentes. As de Morenín xóganse seguir entre os equipos de arriba, para afrontar a seguinte fase na mellor forma posible. Pola súa parte, as de Manolo Codeso loitan por evitar o descenso, nunha tempada de grandes actuacións pero poucas puntuacións.
O Cidade golpeu primeiro, e aguantou o ritmo na primeira metade
O emocionante derbi ourensán comezaba cun resultado completamente aberto para os dous equipos, independentemente da súa posición na táboa, debido ás sensacións dun partido deste calibre.
Así, xogando como visitantes, o Cidade de As Burgas asestou o primeiro golpe, moi cedo, no minuto 3 grazas a un tanto de Fara, que poñía por diante ás de Codeso.
Pero o Ourense Envialia, actuando como local, non tardou en contestar. Marta, capitá do equipo, anotou no minuto catro libre de marca no segundo pau.
Así, as de Morenín fixéronse co dominio do encuentro. As ocasións das locais aumentaban, poñendo en perigo a portería de Ana Lastra, que resolveu sen erros dúas ocasións de Marta e Iria Saeta.
Todo mudou no minuto 17. Fara foise expulsada por unha mano dentro da área, e Iria Saeta foi a encargada de transformar o penalti. Esta sucesión de acontecementos desconcentrou a un Cidade que aguantaba ben o ritmo do Envialia, pero perdeu o ritmo ao verse en inferioridade.
Antes do descanso, as visitantes encaixaron outro tanto, obra de novo de Marta, tras un saque de banda de Iria Saeta.
O Envialia sentenciou o partido na segunda parte
Na segunda metade, o Envialia foi o líder sobre a pista, aínda que comezou esta parte cunha mala noticia. A súa capitá, despois de dous goles e unha gran actuación ata o ecuador do partido, tivo que abandoar o parqué por unha lesión no seu xeonllo esquerdo nun despexe.
Pola súa parte, o Cidade xa non se recoñecía na pista, e os seus esforzos non tiñan os resultados esperados, especialmente pola expulsión da súa única goleadora.
O duelo púxose máis costa arriba para as de Codeso co cuarto gol do Envialia, da bota de Chiky, aproveitando un erro no saque de porta de Lastra. A xogadora do Envialia volveu a ser determinante na seguinte xogada de gol das locais, que lle deu a asistencia a Carmen, encargada de anotar o quinto.
Co Cidade inmobilizado, as de Morenín aproveitaron para seguir aumentando a distancia no marcador, cun sexto gol emocionante para as locais. Sara Moreno, que esta retomando sensacións coa cancha despois da súa lesión, foi a responsable do que sería o penúltimo tanto do Envialia. O último, chegaría grazas a Jenny Lores, despois dunha xogada persoal.
Así quedan as ourensás á fin da primeira fase
Con este resultado, o Ourense Envialia da por finalizada a primeira parte da competición, rematando en cuarto lugar, pero a moita distancia das competidoras da zona alta.
Pola súa banda, o Cidade de As Burgas baixa á posición de colista, polo que ve perigar e moito a súa permanencia. Porén, aínda ten un partido adiado que recuperar, que lle pode deixar nunha mellor posición para afrontar a loita pola salvación.
FICHA TÉCNICA
7) OURENSE ENVIALIA: Vane, Chiky, Jenny Lores, Marta e Iria Saeta – quinteto inicial -. Tamén xogaron: María Arias, Judith Pedreira ,Sara Moreno, Carmen, Susana, Moraima, Paula e Alexandra.
1) CIDADE DE AS BURGAS: Ana López, Clara Fernández, Lucía Nespereira, Fara Antolín, Amelia – quinteto inicial -. Tamén xogaron: Sol, Nahir, Sonia Pacios, Canolich, Aroa, Carlota e Lu Vázquez.
GOLES: 0-1, min. 3 Fara. 1-1, min. 4 Marta. 2-1, min. 17 Iria Saeta. 3-1, min. 19 Marta. 4-1, min. 24 Chiky. 5-1, min. 30 Carmen. 6-1, min. 33 Sara Moreno. 7-1, min. 38 Jenny Lores.
ÁRBITROS: Menéndez Nistal e Vilas López. Expulsaron a Fara e Oli do Cidade.
INCIDENCIAS: Partido correspondente á 18ª xornada do Grupo A da Primeira División Nacional Feminina de Fútbol Sala RFEF celebrado no Paco Paz.
