Tivo a vitoria o Ourense Envialia na súa man, pero finalmente escapóuselle nos minutos finais do partido ante un Penya Esplugues loitador (2-2).
O irregular da competición tradúcese nunha apretada axenda que acabou por pasarlle factura ás ourensás. Tres partidos nunha semana rematan cun saldo de dúas derrotas e unha vitoria para o Envialia.
O mal momento no que chegaban as catalás a este encontro parecía prometer un encontro adquirible para as de Morenín, que remataron por deixarse dous dos tres posibles puntos en Esplugues.
O Envialia non controlou completamente ao rival
No inicio do encontro as galegas tomaban o mando do partido, xerando as primeiras ocasións de gol e finalmente transformándoas nun tanto da man de Laura Uña a pase de Iria Saeta.
Isto non derrumbou ás locais, que seguían presionando en busca do seu primeiro tanto para igualar forzas coas visitantes. Os seus esforzos fixéronse realidade no minuto 12, tras unha acción de Martita a pase de Clara, cun disparo desde a frontal da área. O pulso chegou ata o descanso, sen un vencedor claro e coas opcións abertas para ambos conxuntos.
Na segunda parte repetiuse a narrativa vista na primeira. O Envialia saltaba á pista forte e enchufado, o que lle mereceu marcar o seu segundo tanto, obra de Chiky, nunha saída dun saque de esquina.
As galegas eran donas do xogo e superiores no pavillón que visitaban, pero non o suficiente para rematar a faena. As catalás seguían loitando por remontar, o que conseguiron xa nos intres finais.
As locais optaron por un xogo de cinco, co que foron capaces de realizar un ataque que rematou en gol asinado por Irina. Intentou responder o Envialia á desesperada, pero sen sorte, deixandose dous dos tres puntos en terras catalás.
FICHA TÉCNICA
2) PENYA ESPLUGUES: Raquel; Martita, Celia Catá, Clara y Berta Velasco –quinteto inicial-. Tamén xogaron: Idoya, Montufo, Dámaso e Ticona.
2) OURENSE ENVIALIA: Vane, Chiky, Marta, Jenny Lores e Iria Saeta – quinteto inicial -. Tamén xogaron: Laura Uña, María, María Arias, Judith, Susana e Álexandra.
GOLES: 0-1, min. 4 Laura Uña; 1-1, min. 12 Martita; 1-2, min. 22 Chiky; 2-2, min. 38 Irina.
ÁRBITROS: García-Donas Salvador e Simón Benet do colexio catalán. Sen amonestados.
INCIDENCIAS: Partido correspondente á 15ª xornada do Grupo A da Primeira División Nacional Feminina de Fútbol Sala RFEF.
