O Ourense Envialia suma outra xornada sen vencer, perdendo desta vez ante un dos equipos máis fortes da Primeira División: o Futsi Atlético Navalcarnero. O partido, correspondente á recuperación da xornada 12, rematou cun 4-1.
Nel as ourensás aguantaron ben o ritmo das madrileñas na primeira metade, pero para a segunda se viron sobrepasadas e non foron capaces de golpear ás lideres do Grupo A.
Reparto de goles na primeira parte
O Futsi Atlético saltou á pista pisando forte. Tanto foi así, que no primeiro minuto marcou o primeiro gol, obra de Irene Córdoba desde fóra da área.
Lonxe de deixarse vencer por este tanto temperán, o Envialia viuse arriba e presionaba con intensidade ao rival. Ao non poder facerse coa posesión de balón, as de Morenín agardaban pacientemente calquera recuperación para orquestrar xogadas de ataque.
Porén, o alto nivel das madrileñas quedou patente no momento de máxima igualadade, cun tanto de Gaby tras unha gran xogada individual, anotando con asistencia de Anita Luján.
A falta de cinco minutos para a pausa, as galegas non se rendían e seguiron loitando por sumar no marcador. Os seus esforzos tiveron resultado no minuto 17, cun gol de Marta Figueiredo, despois dun robo no medio campo.
No tempo de descanso, o Futsi Atlético quixo homenaxear a Bea Seijas, ex xogadora e acutal membro do corpo técnico ourensán, co premio Félix Aranda á súa traxectoria.
Bea Seijas recibe da man do Futsi Atlético o premio Félix Aranda
O Envialia perdeu o encontro nos minutos finais
Tras o descanso, ambos conxuntos volveron á cancha cargados de enerxía para continuar un pulso sobre a pista. As ourensás tiñan a posibilidade de remontada na man, controlando o ritmo de xogo e a posesión, ademais de competindo cunha férrea defensa.
A fin do partido estaba preto e o marcador estaba conxelado no 2-1 cando Morenín tomou un risco: o xogo de cinco. A decisión do técnico galego saíu mal e as xogadas coa súa porteira – xogadora víronse sobrepasadas polo acerto de Anita Luján no bando madrileño. A futbolista anotou o terceiro para o equipo local, poñendo terra de por medio coas galegas.
O Envialia quedábase sen tempo de reacción, e cando aídna planeaba como contraatacar, recibiron o cuarto, obra de Leti só un minuto despois do gol da súa compañeira. Así chegou o final do duelo, co 4-1 final.
Malia a derrota, o Ourense Envialia mantén a cuarta posición na táboa, a seis puntos das quintas, o Leganés, e a sete das terceiras, o Roldán.
FICHA TÉCNICA
GOLES: 1-0, min. 1 Irene Córdoba; 2-0, min. 15 Gaby; 2-1, min. 18 Marta Figueiredo; 3-1, min. 36 Anita Luján; 4-1, min. 37 Leti
INCIDENCIAS: Partido correspondente á 12ª xornada do Grupo A da Primeira División Nacional Feminina de Fútbol Sala RFEF.
