Ourense Envialia e Viaxes Amarelle FSF ofreceron un gran espectáculo de cinco contra cinco que puido seguirse a través da TVG. O triunfo foi, en canto aos puntos, para as ourensás que se impuxo por 2-3. En canto ao deportivo, gañou o futsal feminino galego que, unha vez máis amosou o grande nivel dos equipos da nosa comunidade.
O Viaxes Amarelle plantoulle cara a un Envialia en racha que rematou por se impór. As coruñesas non tiraron a toalla e estiveron loitando polo empate ata o último suspiro do partido. O xogo de cinco que puxo sobre a pista Jorge Basanta nos minutos finais, puxo e apuros ás ourensás que protexeron a portería de Vane con orde e unha defensa en zona que basculaba coma un reloxo diante dos cambios de xogo das locais. Pola súa parte as de Basanta buscaban insistentemente un oco para colar o balón entre a zaga das de Morenín e rascar un punto.
A pesar de que as herculinas se puxeron moi pronto por diante no electrónico, as visitantes conseguiron dar a volta ao partido, e aínda que o Viaxes Amarelle FSF realizou unha gran segunda parte, o partido concluíu cunha derrota das herculinas por un axustado marcador de 2-3.
Empezou marcando o Amarelle que saltou con forza á pista da Sagrada
O partido empezaba cos dous equipos apostando por unha presión alta sobre o seu rival. O primeiro en atopar o seu premio foi o conxunto herculino. Candela Soria rouba o balón en media cancha e, no un para un coa meta visitante, consegue pór o 1-0 no marcador ao minuto e medio de xogo.
Quedaba aínda moito tempo por diante, pero ningún dos equipos baixo o ritmo e seguiu pelexando polo gol con moita intensidade.
Aos cinco minutos de partido, á saída dun saque de banda, Marta Figueirido conseguía enganchar un balón que se coaba pola escuadra da portaría herculina e puña o 1-1 no marcador. Coa igualada no marcador, o cadro ourensán empezaba a facerse cada vez un pouco máis co partido; mentres que as herculinas optaban por xogar máis atrasadas e tratar de sorprender á contra.
Pasados dous minutos da medianía do primeiro tempo, o Ourense Envialia FSF armaba unha rápida contra que finalizaba Andrea Feijoó cun potente disparo axustado ao pau da portaría herculina e así pór o 1-2 no marcador adiantando as visitantes.
As herculinas non baixaron os bazos e trataron de pelexar pola igualada, pero a pesar de disputar algunha ocasión, o gol non chegaba; mentres que o Ourense Envialia FSF acusaba a baixa de Andrea Feijoó que caía lesionada a falta de pouco máis de dous minutos para o descanso.
O Ourense Envialia despégase no electrónico ata o 1-3
Á volta de vestiarios o partido empezaba cun rápido gol do Ourense Envialia FSF por medio de Laura Uña, que recibía o esférico ao bordo da área e tras protexer o balón, conseguía virarse sobre o seu defensa e pór o balón na escuadra e subir o 1-3 ao marcador.
Aínda quedaba moito partido por diante, e as herculinas empezaron a presionar máis ás contrarias, mentres estas optaban por tentar sorprender á contra para a sentenza do partido.
O Viaxes Amarelle FSF. estaba a ofrecer a súa mellor versión e na medianía do período conseguían recortar distancias, tras un roubo de balón de Patri Corral en primeira liña e no un para un conseguía bater por abaixo a Vane e así subir o 2-3 ao marcador. Medraban as esperanzas das coruñesas que acariñaban o empate.
O partido parecía que se tornaba un pouco de cara para o conxunto herculino. Jorge Basanta tiña sobre pista ao seu equipo exercendo unha presión alta sobre o Ourense Envialia, que facía que as visitantes non puidesen pensar e as locais roubasen balóns e achegasen perigo sobre a portaría visitante constantemente.
A presión do Amarelle fai que recurte ata o 2-3 e teña opcións de empate
A falta de pouco máis de dous minutos, o Viaxes Amarelle FSF optaba polo xogo de cinco para tratar de igualar o encontro e conseguir puntuar. Pero o gol non chegou e o encontro terminou cunha derrota por un axustado marcador de 2-3, a favor do Ourense Envialia FSF.
Coruñesas e ourensás ofreceron un bo espectáculo no Pavillón do barrio da Sagrada Familia, na Coruña. As locais, pese a loitar por obxectivos diferentes dos das visitantes, demostraron que están por méritos propios na elite do fútbol sala feminino estatal.
A vindeira xornada
De cara ás seguintes xornadas, as coruñesas do Viaxes Amarelle FSF están pendentes do que se determine sobre o seu partido contra o AE Penya Esplugues, que non puido xogar esta fin de semana co Cidade de As Burgas por ter detectado un positivo no seu plantel. As futbolistas que adestra Jorge Basanta quedan á espera da resoluciónd a RFEF sobre o posible adiamento dese cruce previsto para a xornada seguinte. O encontro está fiado por calendario, para o sábado 23 de xaneiro de 2021 no CEM Lles Moreres (Esplugues de Llobregat).
No caso do Ourense Envialia, as de Morenín recibirán no Paco Paz ao colista, AD Club Teldeportivo. Un partido que, sobre o papel, deber servilles para sumar de tres unha xornada máis.
MIRA O RESUMO DO PARTIDO DO EN XOGO tvG2
⚽️⚽️O Viaxes Amarelle @amarellefsf e o Ourense Envialia @OUenvialiaFSF disputaron o primeiro derbi de 2021.
Triunfo das ourensás 2-3. Goles de Candela Soria, Marta Figueiredo, Andrea Feijóo, Laura Uña e Patri Corral👇👇👇 pic.twitter.com/bkedB5MolS— En Xogo tvG2 (@EnXogo_tvG2) January 16, 2021
FICHA TÉCNICA
VIAXES AMARELLE FSF: Sandra, Cris Lourés, Yaiza, Candela Soria e Patri Corral – quinteto inicial -. Tamén xogaron: María Gómez, Lau Doce, Anna Escribano e Sofía.
VIAXES AMARELLE FSF: Vane, Marta Figueirido, Iria Saeta, Judith e Laura Uña – quinteto inicial -. Tamén xogaron: Chiki, Andrea Feijoó, María e Carmen.
GOLES: 1-0 Candela Soria (min. 2); 1-1 Marta Figueirido (min. 5); 1-2 Andrea Feijoó (min. 12); 1-3 Laura Uña (min. 22); 2-3 Patri Corral (min. 32).
ÁRBITROS: Coello Martínez e Martínez Torres do Colexio de Árbitros de Pontevedra e A Mariña. Mesa: Rey Hermida do Colexio de Árbitros de Santiago de Compostela. Amonetaron con cartón amarelo a Diego, do Viaxes Amarelle FSF.
INCIDENCIAS: Partido correspondente á décima xornada do Subgrupo A da Primeira División Nacional Feminina de Fútbol Sala RFEF, disputado o sábado 16 de xaneiro de 2021 no Pabellón Municipal da Sagrada Familia (A Coruña). Martita, fútbolista local lesionada de longa duración, seguiu o partido das súas compañeiras. O marcador electrónico parouse na primeira metade, conseguise amañar para a segunda pero volveu estragarse, polo que boa parte do tempo de xogo non puido ser consultado.