O Ourense Envialia segue a artellar o plantel para a vindeira tempada e o equipo seguirá contando con Jenny Lores. A futbolista renova co club galego para dúas tempadas máis.
O equipo ourensán confía nas súas xogadoras e por iso aposta pola continuidade de Lores. Sobre a futbolista, o Envialia subliña o seu papel como “pilar fundamental ao longo de toda esta tempada chea de pedras e fochas, o seu traballo, competitividade, espírito gañador, calidade e un sin fin de cualidades máis axudaron e moito a saír SEMPRE adiante”.
Jenny Lores destaca pola súa profesionalidade e “as súas gañas de traballar en todos os momentos”, nunha tempada incerta e marcada pola pandemia de COVID-19. O seu club móstrase “infinitamente agradecido” polo seu apoio constante.
