O Ourense Envialia segue sen atopar o seu xogo na segunda fase da Primeira División. As xogadoras de Morenín compiten no grupo polo título, pero son colistas na clasificación con cero vitorias. A última derrota foi este sábado ante a AD Alcorcón de Vane Sotelo, por un 1-4.
A goleada da primeira parte das amarelas freou ás ourensás, que marcaron o seu solitario gol antes do descanso. Dous tantos da galega Vane Sotelo, convocada pola Selección Española, imposibilitaron calquer atisbo de remontada das locais, que caeron no pavillón de Os Remedios na terceira de tres derrotas. O Envialia segue colista con 26 puntos e sào oito vitorias e dous empates.
O Envialia logra marcar ao borde do descanso
O partido non tardou en decantarse polo bando visitante. Na previa ambos conxuntos chegaban da derrota e ocupando os dous últimos postos da táboa. Porén, as galegas partín en peor posición, algo descolgadas do seu grupo, a sete puntos das amarelas.
Así, o Alcorcón demostrou na pista a súa superioridade, anotando o primeiro gol no minuto 8, obra de Aida. Seis minutos despois, Ballesteros puxo o segundo no marcador visitante, mentres que as locais dirixidas por Morenín non atopaban a fórmula para anotar. O balón pasaba a maior parte do tempo rondando a porteria de Vane, cando outra Vane, Sotelo desta vez, anotaba o terceiro para as madrileñas no minuto 16.
Pouco tiña xa que facer un Envialia que soñaba coa remontada, cada vez máis lonxe. Porén, Laura Canales foi a encargada de devolver a ilusión ao cadro local, cun gol no minuto 17, que poñía o 1-3 para o descanso.
Un gol de Vane Sotelo remata o partido para a AD Alcorcón
Despois da reanudación, os ataques de ambos equipos tiñan menos efectividade e o balón movíase dun lado a outro da pista de Os Remedios, cun Alcorcón aínda dominante sobre a cancha.
A defensa local impedía as ofensivas das amarelas, que buscaban sen descanso a portería ourensá. O cuarto premio para o Alcorcón chegaría no minuto 37, outra vez da bota da galega Vane Sotelo, que marcaba así o segundo gol ao seu ex equipo. O Envialia non puido xa facer nada contra a pegada dunha das máximas anotadoras da competición, e perdeu o terceiro encontro desta segunda fase por un 1-4.
Marta Figueiredo pasa por quirófano
Precisamente unha das cuestións que está a complicar que o Ourense Envialia FS saque a relucir o fútbol que teñen as súas futbolistas nas botas nesta parte da competición é que, no presente curso, as lesións están a castigar duramente á escuadra ourensá.
Varias foron as futbolistas do conxunto que adestra Gonzalo Iglesias Morenín que tiveron baixas de longa duración, todas se acusaron, pero se hai unha que chegou no peor momento (se é que hai un momento bo para padecer unha lesión) foi a de Marta Figueiredo. A deportista é unha peza clave no equipo do Envialia non só no aspecto deportivo, tamén no anímico. É unha futbolista que aporta moito ao bloque nese eido e a súa ausencia é moi posible que esté a pasar factura.
Precisamente o club de Ourense comunicaba que Marta Figueiredo xa foi operada da súa lesión de rotura do ligamento cruzado anterior (LCA) e comeza o proceso de recuperación para voltar ás pistas “pasito a pasito” como lle din nesta publicación desde o seu equipo. A súa alegría vital contáxiase ata tal punto que o seu eterno sorriso pódese intuir incluso baixo da máscara de protección.
💊👩⚕️PARTE MÉDICO@MartandoElHambr ha sido operada en la tarde de ayer con éxito de su rotura de LCA por el Doctor Cota en el Hospital Quirónsalud de Pontevedra @quironsalud
La cuenta atrás comienza ¡Pasito a pasito!
Aunque la mascarilla no deja mostrarla se intuye una SONRISA pic.twitter.com/3Zb4sNoSCP— Ourense Envialia FSF (@OUenvialiaFSF) April 10, 2021
Revive o Envialia – Alcorcón
Se non puideches ver o partido, ou tes ganas de revivilo, dálle ao play.
