Xornada de emocións intensasa para o Durán Maquinaria Ensino, que volveu á senda da vitoria (62-56) nun partido moi especial ante o Casademont Zaragoza, que enfrontou ás lucenses con excompañeiras como Hempe e Gimeno e o adestrador Carlos Cantero.
Cun plantel cada vez máis forte, o preparador das galegas, Miguel Ángel Ortega, valoraba moi positivamente o estado anímico do seu equipo, recalcando que “imos recuperando xogadoras e iso é o máis importante”.
No banco contrario, Carlos Cantero alababa ao seu exequipo, asegurando que o Ensino é “o espello onde nos queremos mirar un club coma nós. É un club asentado e de Europa e vaia mellor ou peor, á larga o tempo pon a todos onde deben estar”.
Disputada vitoria
As lucenses venceron, pero non sen sufrir. Cantero, coñecedor do xogo das galegas, soubo poñer en apuros ás locais. Alba Prieto foi a encargada de abrir a lata, anotando un triplo para o Ensino nos arranque do partido.
O Casademont Zaragoza respondía con rotundidade, pero as galegas mantíñanse por riba obrigando a Cantero a parar o cronómetro. As mañas non reaccionaron o suficiente e as galegas leváronse o primeiro cuarto por un 15-12.
Xa no segundo parcial, Hempe anotaría unha canastras ás súas ex compañeiras situando ás visitantes por diante cun 21-22. Cando o electrónico chegou ao 26-26, Ortega foi quen parou o tempo, pero desta vez as visitantes marchaban ao descanso cun 29-31.
Na segunda parte, o Ensino tomou a dianteira aproveitando os erros do Casademont. As de Lugo subían a intensidade para manter ás visitantes a raia, xogando con comodidade na súa propia pista. Os últimos dez minutos chegaban co 48-43.
No último tempo, ambos equipos loitaban por cada balón en busca da vitoria. O pulso facía cambiar o triunfo de mans, e pasado o ecuador deste parcial o marcador informaba do 53-52. Non sería ata o último minuto cando o Ensino lograría facerse cos puntos da vitoria, rematando nun 62-56.
Ortega presume de equipo
Tras o duelo, Miguel Ángel Ortega admitiu que este foi “un partido de moitos nervios, moita tensión”. Ante a situación que está a vivir o equipo, o adestrador asegura que “temos que ir sacando partidos e ir sacando vitorias”.
Coas recuperacións de María e Alba, “xa somos un plantel de nove xogadoras e podemos facer o esforzo defensivo que fixemos hoxe, podemos descansar, podemos rotar, de tal forma que podemos competir mellor”.
Incluso ante a adversidade, o Ensino soubo manter alto o ánimo: “A xente ten un estado de ánimo moi bo para competir e a min me gratifica que todo o mundo manteña un bo estado de ánimo, é fundamental. Creo que en xeral a xente está moi contenta, afortundamaente hai moi boa disposición”.
Pola súa parte, Carlos Cantero, adestrador do Casademont e antigo preparador do Ensino que as lucenses conforman un conxunto “que apreta moi ben a liña de pase e o bote, pero sigo dicindo que nunha tempada longa e con tanta igualdade o importante é centrarnos en nós sobre todo cando queda tanto por facer”.
Respecto ás galegas, o técnico asegura que “é un equipo moi completo, físico. Xogamos contra un plantel de Europa. O Ensino co proxecto que fixo este ano non pode permitirse estar menos entre os 8-7 primeiros, é un equipo de Europa, de Copa e de playoff. É un equipo que coñezo ben, coñezo ás xogadoras que estaban e ás que viñeron novas e non poden permitiirse menos do que fixeron os dous últimos anos”.