Sufrida e traballada vitoria do Ensino que tirou de oficio diante dun Embutidos Pajariel Bembibre que estivo a piques de dar a sorpresa no Pazo dos Deportes de Lugo. Ao final, as lucenses gañaron por 70-65. O marcador o redondeou case sobre a bucina Vega Gimeno cunha canastra tripla.
Aínda que o Durán Maquinaria Ensino foi por detrás no electrónico boa parte do partido, soubo botar man da experiencia e rematou por superar ao Embutidos Pajariel Bembibre. As leonesas, colistas, deron más traballo do esperado ás lucenses, que sufriron para impórse. Sen embargo, unha mellor lectura do partido en momentos chave, como o último cuarto, foron determinantes para que o Ensino rematase por levarse o cruce cun tanteo de 70-65.
As visitantes se colocaron por diante no electrónico no primeiro cuarto cun 18-23 ao que o Ensino non sería quen de darlle a volta no segundo cuarto no que superou á súas rivais no tanteo parcial (19-16), pero non no global do partido 37-39. Seguía o sufrimento das galegas.
Á volta do descanso o Bembibre volvía a apretar e incrementaba a súa ventaxe no terceiro cuarto ata situarse cunha curta vantaxe de catro puntos arriba no marcador (53-57).
O último período foi crucial para decantar o partido do bando local. Cun tanteo de 17-8, as galegas déronlle a volta a o electrónico e remontaron un partido que custou máis do desexable pero dos que, como dixo na comparecencia diantes dos medios o adestrador das luceses, apréndese moito. Na súa reflexión final, Cantero admitía ter unha “sensación agridoce” ao respecto do partido, pero matizaba que “a longo prazo esas cousas fanche mellor equipo”.
Mucho. Está costando mucho. Pero ya estamos aquí! pic.twitter.com/Z8vY5UKHQI
— Ensino Lugo (@EnsinoLugoCB) October 31, 2020
Suman xa as galegas catro triunfos, pero precisaban este golpe de moral e, sobre todo, non perder na casa contra un rival, en teoría máis feble. Non gañar esta fin de semana logo das derrotas nos partidos contra as laguneras no Pazo (69-73) e diante do Valencia (77-46), podería ser un golpe ao ánimo das deportistas do club galego.
Logo desta xornada o Ensino está na oitava praza da táboa clasificatoria na Liga Endesa. Na zona morna. O seu próximo rival é o Spar Girona. As catalanas son cuartas. Polo que as galegas deberán poñer toda a carne no asador para poder puntuar na cancha dun equipo que ten disputados oito partidos e so perdeu un.
Cantero: “Melloramos no partido máis a nivel emocional, que no xogo”
Para Carlos Cantero o punto diferencial que fixo que as galegas gañasen estivo en que “melloramos durante o partido máis que no xogo, a nivel emocional”. Explica que foron “máis fortes que elas, soubemos xestionar mellor o partido, soubemos ler mellor as situacións, sobre todo no último cuarto, e soubemos manter esa agresividade que quizais elas non souberon manter sobre todo en defensa. Elas non tiñan tanto acerto no último cuarto. E nós, que noutros momentos non metiamos triplos, nesa fase de partido conseguimos facelo”.
Neste partido foi elixida a MVP na enquisa do público a mesma xogadora que obtivo a mellor valoración nas estatísticas do encontro: Merritt Hempe. A deportista sumou 17 de valoración e anotou 23 puntos.
⛹🏻IX Jornada #LFEndesa
🏀 Final final finaaaaaal. Un partido que nos ha costado MUCHÍSIMO, pero que suma igual un ✅🚜 Ensino [70] – [65] Bembibre
↘️ Elige a la MVP del partido. #SomosEnsino | #VoltaráLoita@DuranMaquinaria @Cafescandelas @SomosABANCA— Ensino Lugo (@EnsinoLugoCB) October 31, 2020
FICHA TÉCNICA
DURÁN MAQUINARIA ENSINO: Merritt Hempe (23), Natalie Isabelle Van Den Adel (6), Aleksandra Stanacev (2), Vega Gimeno (7), Bea Sánchez (6) – quinteto inicial -. Tamén xogaron: Laura Aliaga (10), Chatrice Marie White (11) e Alba Prieto (5).
EMBUTIDOS PAJARIEL BEMBIBRE PD: De´Andrea Lenae Givens (16), Concepción Mongomo (3), Marianne Fanny Kalin (4), Monika Aniela Naczk (4) – quinteto inicial -. Tamén xogaron: Sara Rokkanen (-), Ana María Palma (3), Laura Méndez (4) e Batouly Fatoumata Camara (-).
PARCIAIS: 18-23, 19-16, 16-18 e 17-8.
ÁRBITROS: Paula Lema Parga, José María Terreros San Miguel e Cristian Martín Vázquez.
INCIDENCIAS: Partido correspondente á novena xornada na Liga Endesa, disputado no Pazo Provincial dos Deportes de Lugo.
