O Durán Maquinaria Ensino logrou a segunda vitoria da tempada na Liga Endesa por un abultado marcador (92-57) fronte o Spar Gran Canaria. Spar Gran Canaria.
Guiadas por una maxistral Merrit Hempe (23 puntos e MVP da xornada), as xogadoras lucenses conseguiron facer o seu mellor xogo e levarse unha vitoria que serve para afianzar a confianza e as sensación de que se está a facer un bo traballo.
O Gran Canaria presentábase coma un rival ao que había que ter moito respeto logo de plantarlle cara ao Girona na pasada xornada, ao que estivo a piques de dar un bo susto.
As lucenses comezaban o partido moi acertadas e cun parcial de 7-0 nos dous primeiros minutos de xogo facíanlle saber ao Gran Canaria que non o o ían a ter nada fácil. Tentaban reaccionar as canarias pero as xogadoras dirixidas por Carlos Cantero seguían en modo arrolador e ao final do cuarto impoñían unha diferencia de 13 puntos (25-12).
No segundos dez minutos a tan ansiada regularidade das lucenses fixo presencia e seguiron sen dar opcións ás súas rivais. Con Hempe e Vega Gimeno anotando e Stanacev repartindo xogo (8 asistencias ao final do encontro), as xogadores do Ensino rompían totalmente o partido e chegaban ao descanso cun moi encarrilado marcador (51-27).
Na reanudación máis do mesmo, as lucense seguían enchufadas e dedicáronse a desfrutar dos minutos. A moral das isleñas era difícil de recuperar e incluso o técnico Carlos Cantero, daba á alternativa ás máis xóvenes do equipo coa entrada en pista da debutante Paula Hoyuelos.
Ao final do partido o marcador foi de 92-57. Segunda vitoria para o Ensino que volve situarse na metade da clasificación da Liga Endesa. Un resultado digno das máis grandes da categoría e que permite soñar cos postos de playoff polo título. Quizáis, aínda e cedo pero a dinámica está sendo moi boa.
Case sen tempo de descanso, o próximo mércores, 21 de outubro, o Ensino terá que viaxar a terras mñas onde o agardará o Casademont Zaragoza que ven de perder contra o Girona por oito puntos.
🔫MERRIT HEMPE🔥
Otro #MVP para @HempeDoesIt
🏀23 puntos / 9 Rebotes / 6 Asistencias3️⃣6️⃣🚨Valoración#SomosEnsino | #LFEndesa | #VoltaráLoita pic.twitter.com/lwg8nba8Vu
— Ensino Lugo (@EnsinoLugoCB) October 17, 2020
FICHA TÉCNICA
DURÁN MAQUINARIA ENSINO: Merritt Hempe (23), Natalie Van den Adel (14), Aleksandra Stanacev (2), Vega Gimeno (19), Bea Sánchez (12) -quinteto inicial-, Alba Prieto (9) , Marta Tudanca (-), Chatrice Marie White (5), Laura Aliaga (3), M. Franco (-), Paula Hoyuelos (2) e M. blanco (3).
SPAR GRAN CANARIA: Sparkle Taylor (18), Alina Hartmann (2), Sika Kone (6), Kai James (3), Marta Hermida (4) -quinteto inicial-, María España (13), E. Rodríguez (3), G. Jorge (3), Djeneba Ndiaye (5) e S. Fall (-).
ÁRBITROS:Antonio Sacristán Barazón, Guillermo Ríos Marcos e Laura Piñeiro Amondaray.
INCIDENCIAS: Pazo provincial dos deportes de Lugo
PARCIAIS: 25-12, 26-15, 21-12 e 20-18 (94-57)
