Malia non saltar ao parqué, as últimas semanas trouxeron moitas novidades no Durán Maquinaria Ensino. O equipo estivo varios días lonxe das pistas por mor da COVID, tendo que adiar o encontro ante o Bembibre da xornada 16 e tamén o do Campus Promete da xornada 17.
Ademais, o club destituiu a Miguel Ángel Ortega como adestrador o pasado día 8, deixando a porta aberta para que o técnico traballe dentro da estrutura do Ensino.
O Ensino comunica a destitución de Miguel Ángel Ortega como adestrador do primeiro equipo
Desde entón, Fernán Varela dirixe ao plantel, que volveu ás sesións de traballo este martes, tras conseguir un pleno de resultados negativos nas PCRs.
Estamos de volta ‼️‼️‼️ pic.twitter.com/UbZICweQAJ
— Ensino Lugo (@EnsinoLugoCB) January 18, 2022
Desta forma, o encontro deste domingo, que enfronta ás galegas co Leganés na pista madrileña será o primeiro de Varela como adestrador das lucenses. O duelo terá lugar ás 17:00 horas.
O novo técnico do conxunto lucense chegou ao club na tempada 2020/2021 como segundo adestrador de Carlos Cantero, á vez que dirixía ás xogadoras júnior. Coa chegada de Ortega mantivo o seu posto de segundo preparador, pasando á primeira fila tras a súa destitución.
Actualmente, o equipo marcha na 13ª posición, con 15 partidos xogadoras dos cales gañaron catro fronte a once derrotas. As galegas son ademais o equipo nun peor momento competitivo, con catro partidos perdidos de maneira consecutiva.
