O Durán Maquinaria Ensino está en plena elaboración dun plantel para a tempada 2021/2022, e a última incorporación aumenta o acento galego no club. A ferrolá Tamara Abalde chega a Lugo para reforzar a posición de ala-pívot do conxunto que agora dirixe Miguel Ángel Ortega.
A galega volve á súa terra despois de disputar 332 partidos na máxima categoría do baloncesto español, 16 tempadas de profesional ás súas costas e 57 participacións coa Selección Española como internacional. Precisamente coa camiseta vermella, Abalde competiu nos Xogos Olímpicos de Pekín 2008, e colgouse o ouro no Eurobasket de Letonia no 2009.
Y ahora con todos vosotros📹🎁 @tamaraabalde6
Bienvenida
Benvida
A nosa terra galega pic.twitter.com/J6B9nBUg6P— Ensino Lugo (@EnsinoLugoCB) April 27, 2021
Na última tempada, antes de recalar no conxunto galego, a pívot estivo competindo co Kutxabank Araski en 27 partidos, nos que sumou 213 puntos, cunha media de valoración de 8,5 créditos. Na súa traxectoria, tamén xogou co Valencia Basket, o Stadium Casablanca, o Deportivo C.R.E.F., o Perfumerías Avenida entre outros.
Ao longo da mañá deste martes, 27 de abril, o club lucense iniciou un concurso para que a afección puidera adiviñar a nova cara do equipo. Coma se un panel de La Ruleta de la Suerte se tratase, o club lucense foi dando pistas para revelar finalmente a incorporación da ferrolá.
A JUGAR !!!!
Dos nuevas letras que cubren cuatro casillas y TIRO LIBERADO para completar panel y la frase que hace referencia al nuevo fichaje con a la noticia del día.
👉Miña terra galega pic.twitter.com/vJx0dbA94f— Ensino Lugo (@EnsinoLugoCB) April 27, 2021
Este é o segundo fichaxe da tempada en Lugo, despois da chegada de María Eraunzetamurgil, con sete anos de experiencia na LF Endesa.
