O Durán Maquinaria Ensino loitou ata o final para encadear unha nova vitoria na LF Endesa, pero o Casademont Zaragoza soubo aguantar mellor o ritmo de partido para levarse o triunfo nas últimas posesións do derradeiro cuarto (64-60).
Despois dun partido igualado de principio a fin, as locais venceron, deixando ás galegas cunha nova derrota e no posto 12, onde suman 34 puntos.
Pulso en Zaragoza
No duelo, o conxunto local golpeou primeiro, pero as lucenses non tardaron en responder, chegando a asinar un parcial 2-7 de inicio. O Ensino atacaba con efectividade, obrigando a Carlos Cantero a parar o cronómetro para reorganizar ás súas.
A través do tiro exterior, as xogadoras de Fernán Varela mantiñan o resultado ao seu favor, aínda que o Zaragoza seguía pisandolles os talóns. Tras mover o banco e co acerto desde o triple das rivais, as visitantes vían como o primeiro tempo remataba nun axustado 16-17.
No segundo cuarto, as mañas foron superiores, cun parcial 9-0 tras o arranque e o Ensino sufriu para seguir o ritmo, pero a base dunha boa defensa e a loita por cada posesión, as locais non lograban unha vantaxe ampla. Desde o triplo e o tiro libre, as galegas igualaban o encontro para ir ao descanso cun 31-31.
Despois do paso por vestiarios, o Zaragoza apretou, pero as galegas estaban cómodas na pista, para liderar o luminoso cun 37-44 a favor. Entón, o técnico rival volveu parar o tempo para facer fronte á derrota momentánea. A dez minutos do final, as lucenses gañaban por un 40-49.
Todo torceuse no último cuarto. Os acertos de Aliaga e Oma xa non eran suficientes baixo o aro, ante un Zaragoza que sumaba con Hempe e Calhoun. A base de tiros de tres, as locais reducían distancias e mesmo chegaban a colocarse por diante das galegas a 47 segundos do final.
O duelo decidiuse nunha última posesión de infarto. As galegas perdían de tres, e unha rectificación arbitral cedeulle a posesión ás visitantes, pero Aliaga errou desde o triplo. Un punto máis para as mañas decidía o encontro por un 64-60.
Xa hai data para o derbi
O duelo entre o Durán Maquinaria Ensino e o BAXI Ferrol, disputarase no Pazo dos Deportes de Lugo o vindeiro 3 de abril.
Segundo informa o club local, o encontro da 27ª xornada da LF Endesa xogarase desde as 18:00 horas. Pola súa parte, as visitantes anunciaron a excursión á cidade amurallada, poñendo un bus para a afección cun coste de 2 euros para abonados e de 5 para non abonados.
As entradas terán un precio de 10 euros para os maiores de 18 anos e de 5 para menores.
Vamos allá con la excursión a Lugo para el @EnsinoLugoCB – BAXI Ferrol de la jornada 27 de #LFEndesa
Ponemos bus para la afición: 2€ abonado, 5€ no abonado.
Entradas 10€ mayor de 18, 5€ menores
Domingo 3 de abril
Partido a las 18:00h.Apúntate en el @BarSURFerrol pic.twitter.com/f292zKSzRk
— Baxi Ferrol (@UniFerrol) March 18, 2022
