O Ensino non pode co Valencia Basket (82-65)

O Durán Maquinaria Ensino sofre a segunda derrota consecutiva na LF Endesa, desta vez perdendo ante un dos grandes, o Valencia Basket. O equipo das galegas soubo plantarlle cara ás valencianas na primeira metade, pero non puido manter o pulso na segunda, na que as taronjas fixéronse coa vitoria (82-65).

Con este resultado, o grupo adestrado por Miguel Ángel Ortega ocupa a 13ª posición, con 17 puntos obtidos en catro vitorias e nove derrotas.

Un Ensino forte na primeira parte

O partido comezou cun esperado dominio das locais. Aos cinco minutos, o Valencia xa vencía por un 14-8 malia os esforzos do Ensino por manter a raia ás laranxas. O conxunto lucense apoiabase en White para seguir dentro do partido e grazas a un tiro da portuguesa Da Silva, as galegas puideron rematar o primeiro cuarto só cinco puntos por debaixo.

Para o segundo tempo, Lizarazu anotaría a primeira canastra contra o que é o seu exequipo. O ritmo do encontro non facía máis que aumentar, cun duelo cada vez máis igualado entre ambos equipos. As valencianas mantiñan a súa vantaxe conseguida nos primeiros dez minutos, pero as galegas estaban a pisarlles os talóns reducindo distancias.

A boa conexión entre Lizarazu, Prieto, Erauncetamurgil e White permitiulle ao Ensino empatar coas locais, poñendo o 29-29 no marcador a cinco minutos para o descanso. As galegas, véndose con posibilidades, apretaron e conseguiron poñerse por riba cun triplo de White e unha canastra de Orsili. Laura Aliaga tampouco fallou desde a liña de tres, logrando un colchón de 10 puntos para a segunda parte (35-45).

A defensa do Valencia truncou os plans das galegas

Tras a reanudación, o xogo no Municipal facía soñar cunha vitoria galega, cun Ensino que seguía sumando puntos para manterse por diante do todopoderoso Valencia Basket. Entón, o conxunto local apostou por subir unha marcha na defensa, bloqueando os intentos das lucenses por romper o partido.

O duelo nos ataques entre Allen e White víase contrarrestado desde as defensas, onde as valencianas foron superiores. Fronte aos 8 puntos anotados polas visitantes, o equipo laranxa anotou 24, recuperando o mando do encontro.

Porén, chegado o último cuarto, o partido aínda estaba aberto, cun 58-53 no marcador. O Valencia Basket sacou a relucir a súa calidade e cun parcial 7-0 deixaba claras as súas intencións. O Ensino pouco podía facer ante o muro defensivo das locais, á vez que estas non fallaban baixo o aro, aumentando co paso dos minutos a súa vantaxe. Finalmente, a vitoria foi laranxa cun 82-65.

FICHA TÉCNICA

VALENCIA BASKET: Ouviña (10), Salvadores (15), Allen (19), Trahan-Davis (4), Gülich (12) -cinco inicial-. Tamén xogaron: Gómez, Casas (6), Romero (3), Laura Gil (11), Contell e Kalenik.

DURÁN MAQUINARIA ENSINO: Orsili (12), Eraunzetamurguil (4), Prieto (4), Bahí, White (16) -cinco inicial-. Tamén xogaron: Lizarazu (7), Van Den Adel (5), Aliaga (6), Oma (1), Da Silva (10), Ferrari e Hoyuelos.

ARBITRAXE: Bravo Loroño, Carrera Rosdevall e Adan Rodríguez.

MARCADOR: 21-16, 14-29, 23-8, 24-12.

INCIDENCIAS: Partido correspondente á 13ª xornada de LF Endesa disputada ante 1622 persoas no Municipal Fuente San Luis.