A xunta directiva do Durán Maquinaria Ensino Lugo comunicou a pasada semana a fichaxe da pivote estadounidense Merrit Hempe. Con esta nova incorporación, o plantel do equipo queda confirmado para loitar a próxima tempada na Liga Feminina.
Merrit Hempe (USA 27/07/1994) chega desde Zaragoza (Stadium Casabranca). A estadounidense é unha pivote de 1,91 cunha longa traxectoria na NCAA e en Europa, posto que tamén xogou nas ligas rusa e alemá. O Zaragoza non foi o seu único equipo en España, xa que estivo o Cadí La Seu. Na tempada 19/20 promediou 12.1 puntos e máis de 7 rebotes por encontro.
Hempe xa debutou co equipo no último amigable disputado en Salamanca. Un reforzo interior de calidade e con garantías que xa se atopa dispoñible para Carlos Cantero.
Ademais, o Maquinarias Durán Ensino Lugo seguirá contando un ano máis co patrocinio de Leche Leyma e Leche Río. Un vínculo que segue forte e que axudará a consolidar o proxecto do club e de toda a súa canteira. Ambas as marcas seguirán apostando polo baloncesto feminino en Lugo e estarán presentes tanto no primeiro equipo como na sección de canteira do Ensino.
Desde o club queren agradecer de maneira especial a Carmen Lence, propietaria da firma, a súa predisposicion para que o seu proxecto siga adiante.
