O Campus Promete aproveitou os erros cara a canastra do Durán Maquinaria Ensino e impúxose cun 48-56 na duodécima xornada de Liga Femenina Endesa. A falta de acerto nos tiros das xogadoras de Carlos Cantero castigounas cunha derrota que as alonxa ata a próxima xornada da loita pola Copa. Así, as lucenses caeron nun duelo clave contra un rival directo.
O primeiro cuarto foi para as visitantes. A forte defensa do Promete impediu que as lucenses puideran manterlle o pulso ás logroñesas. O primeiro parcial rematou cun 16-20 que, con todo, non marcaría a tónica do encontro.
No segundo cuarto as xogadoras do Ensino comezaron a recortar distancias, pero sempre lonxe da remontada. Cun total de 27-36 ao tempo do descanso, as de Cantero melloraban en defensa pero seguía fallando fronte a canasta.
Pouco a pouco, as xogadoras locais ían freando as oportunidades de ataque do Promete, que ían diminuíndo parcial a parcial. Pero sen sorte á hora de anotar, de pouco serviu a defensa mellorada. O terceiro cuarto foi o máis igualado, cun 10-11 no electrónico, que mudou a un 11-9 no último parcial. O primeiro cuarto gañado polas lucenses non foi suficiente para que os dous puntos quedasen en Lugo.
Suspenso en tiro pero sobresaínte en plantel no Ensino
A falta de acerto non se explica polo mal xogo do plantel de Cantero. O técnico mostrouse contento co traballo das xogadoras neste encontro, aínda que admitiu que se ía con malas sensacións pola derrota.
Porén, unha das mellores xogadoras da xornada para a Liga Endesa foi Aleksandra Stanacev. A serbia, con 26 puntos de valoración, foi a segunda máxima anotadora do encontro e primeira do seu equipo. Ademais, logrou 9 rebotes, que a convertiron na deportista mellor valorada da fin de semana, xunto con Taylor, do SPAR Gran Canaria.
♀ #LFEndesa | Dos ‘jugonas’ para un MVP compartido ⭐
✅ @_sparkletaylor_, del @cbislascanarias: 25 puntos, 8 rebotes y 26 valoración.
✅ @AleksandraStana, @EnsinoLugoCB: 14 puntos, 9 rebotes y 26 de valoración.📝 MÁS INFO ⬇https://t.co/5Yb69dXYxg pic.twitter.com/KbTtvK2EJv
— Baloncesto España (@BaloncestoESP) November 23, 2020
Por outra banda, Vega Gimeno foi elixida MVP da afección lucense. A alero anotou outros 14 puntos contra o Promete que, xunto cos 5 rebotes, deulle 13 puntos de valoración no partido.
Vosotras la habéis elegido, @vegagimeno es la MVP de la afición del partido de hoy.
🏹 14 Puntos, 5 Rebotes, 4 Faltas recibidas y algún que otro tapón que no sale en la estadística.#SomosEnsino | #VoltaráLoita | #LFendesa pic.twitter.com/DbsNxAPF9G
— Ensino Lugo (@EnsinoLugoCB) November 22, 2020
O Ensino, para poder seguir loitando pola Copa, deberá vencer no seguinte encontro de Liga que o enfrontará ao Al-Qázeres no pavillón multiusos de Cáceres o próximo venres ás 20:45 horas. Actualmente, o equipo de Lugo ocupa a novena posición na táboa clasificatoria, cun total de 17 puntos tras cinco vitorias e sete derrotas, que o empatan co Campus Promete.
FICHA TÉCNICA
48) DURÁN MAQUINARIA ENSINO: Natalie van den Adel (2), Stanacev (14), Vega Gimeno (14) e Alba Prieto (2), Hempe (12) —quinteto inicial—. Tamén xogaron: Laura Aliaga (2), White (2) e Nina Bogicevic (-).
56) CAMPUS PROMETE: Weaver (4), Paula Estebas (18), Knezevic (4), Diarra (12) e Laia Flores (12) —quinteto inicial—. Tamén xogaron: María Barneda (6), Alarcón (-), Conde (-) e Pivec (-).
PARCIAIS: 16-20, 11-16, 10-11 e 11-9
ÁRBITROS: Asier Quintás, Juan Francisco González e Alberto García.
INCIDENCIAS: Partido correspondente á duodécima xornada de Liga Femenina Endesa, disputado no Pazo dos Deportes de Lugo. Encontro adicado á loita contra a violencia de xénero.
