O Durán Maquinaria Ensino será un dos equipos participantes na Copa da Raíña 2021 de Valencia e para conmemorar dito torneo, estreará camiseta.
Deseñada en colaboración con Wibo e Sargadelos, o club lucense quere transmitir un carácter propio e autóctono con esta nova equipación. A intención detrás deste deseño é a de homenaxear á memoria cultural galega e ao baloncesto.
Da mesma forma que o fixo o Breogán, o Durán Maquinaria Ensino levará por primeira vez esta camiseta no partido de cuartos de final da Copa da Raíña, que enfrontará as xogadoras do conxunto lucense contra un clásico do baloncesto feminino estatal, o Perfumerías Avenida.
O deseño da nova camiseta do Ensino
Como xa se fixera noutras ocasións especiais, o rosa é a cor escollida para esta equipación conmemorativa. A afección do equipo galego poderá adquirila na tenda online do club, que venderá até un máximo de 55 unidades desta elástica conmemorativa con deseño exclusivo. Una peza para colecionistas ou grandes fans da entidade da cidade da muralla.
Se queres descubrir o proceso creativo detrás desta nova camiseta do club lucense, dálle ao play!
