Xogar a Copa: Primeiro obxectivo do ano, acadado. O Durán Maquinaria Ensino conseguiu praza para disputar a Copa da Raíña. As galegas finalizan a primeira volta oitavas e súmanse as outras sete plantillas que en marzo pelexarán polo torneo do KO.
O triunfo ante o Zamarat Quesos El Pastor 55-68 coloca ao Ensino Lugo no medio e medio da táboa e lle outorga un sitio na disputa da Copa da Raíña. O técnico, Carlos Cantero, amosaba ao final do partido en terras zamoranas a súa satisfacción polo reto culminado con éxito. “Estou moi contento e moi alegre polo equipo por estar na Copa da Raíña”, manifestaba o técnico do conxunto lucense.
Carlos Cantero: “Non se imaxina ninguén o complicado que é entrar na Copa”
As galegas do Durán Maquinaria Ensino sabían o que se xogaban e que o rival, por moito que fose un equipo da zona baixa da táboa, non llo había pór doado. No primeiro parciai chegaron seis puntos arriba 11-17 e no segundo aguantaron o tipo. Chegouse ao descanso cun 26-32 que non constituía unha ampla vantaxe pero daba folgos ás lucenses.
Pero chegou un momento no que as zamoranas prenderon a mecha e colleron o partido por man. Elas foron as que decidiron o tempo do xogo e con iso, mudaron as tornas. Á volta do descanso, no terceiro dos periodos gañaron 18-16. O partido colocábase 44-48. Absolutamente aberto para ambos equipos.
O último dos cuartos saldouse cun parcial 11-14 que aumentou levemente a curta vantaxe do Ensino neste partido que rematou cun marcador de 55-62 campeando no luminoso e colocando ás galegas na Copa da Raíña case, case, sobre a campá, ou neste caso, a bucina.
Estos son os oito equipos que estarán na Copa
Os oito mellores equipos da primeira volta na Liga Feminina Endesa acadan un posto para disputar a Copa da Raíña que neste vindeiro ano 2021 aínda non ten sede asignada pero si conta con datas. O torneo do K.O. terá lugar do 4 ao 7 de marzo.
Teñen acadado sitio nesta competición os seguintes equipos:
- Perfumerías Avenida, que remata como ‘campión de inverno’. As de Roberto Íñiguz camiñan pola LF Endesa invictas.
- Valencia Básket, adestradas por Rubén Burgos, so perderon ante o líder, e son a mellor defensa da Liga Feminina.
- Spar Girona, o conxunto que prepara Alfred Julbe acudirá á Copa como cabeza de serie. Solo perderon dous partidos.
- Lointek Gernika, as xogadoras que prepara Mario López suman 10 triunfos en 15 xornadas.
- Movistar Estudiantes, no seu regreso á elite as pupilas de Alberto Ortega parece que chegan para quedar.
- Ciudad de La Laguna Canarias, repite na Copa logo de acadar nove triunfos baixo a batuta de Gaby Ocete.
- IDK Euskotren, ás vascas, adestradas por Azu Muguruza, pásalles como ao Ensino: entran na pugna pola Copa grazas ao basketaverage
- Durán Maquinaria Ensino, adestrado por Carlos Cantero consegue un oco no torneo do KO con sete vitorias en 15 partidos grazas a contar con mellores cifras ante a canastra que o Cadi La Seu que ten 22 puntos como vascas e galegas pero que queda ás portas da cita de marzo.
FICHA TÉCNICA
ZAMARAT QUESOS EL PASTOR: Amy Okonkwon (2), Brook Wylie Salas (6), AnnaMaría Prezelj (11) Marina Lizarazu Herrera (11) e Vanessa Nicole Gidden (15) – quinteto inicial -. Tamén xogaron: Elisa Policari (2), Marta Montoliu (6), Ana Carlota (-) e Abigail Wolf (2).
DURÁN MAQUINARIA ENSINO: Merritt Hempe (10), Aleksandra Stanacev (15), Vega Gimeno (12), Laura Aliaga (11) e Alba Prieto (2) – quinteto inicial -. Tamén xogaron: Natalie Van Den Adel (-), Nina Bogicevic (10) e Chatrice Marie White (2).
PARCIAIS: 11-17, 15-15, 18-16 e 11-14.
ÁRBITROS: Colexiados Jorge Caamaño Muñoz, Héctor Báez Batista e Víctor Rafael González Banderas.
INCIDENCIAS: Pavillón Ángel Nieto de Zamora partido correspondente á 15ª xornada da Liga Feminina Endesa de Basket pertecente da Federación Española de Baloncesto
MIRA AQUÍ O PARTIDO ENTRE QUESOS EL PASTOR E DURÁN MAQUINARIA ENSINO
