As persoas aboadas ao Durán Maquinaria Ensino comezarán o 2021 cunha boa noticia: se residen na provincia de Lugo, poderán acudir ao partido do próximo domingo, 3 de xaneiro, ás 18:00 horas.
O Pazo dos Deportes de Lugo abre de novo as portas para a súa afección, sempre e cando residan na propia provincia e coa excepción das restricións de mobilidade locais.
Segundo informan desde o Ensino, ademais da posibilidade de que todas as socias vaian ver o encontro, tamén póñense á venda 50 entradas, que deberán solicitarse por mail na dirección ensinolugo@gmail.com. Estas estarán dispoñibles a un prezo de 10 euros para os adultos e 5 para júnior.
O Ensino inicia o 2021 en casa ante o Lointek
O primeiro partido do ano será ante as vascas do Lointek Gernika Bizkaia. O cadro visitante chega dunha derrota ante o SPAR Girona, un dos grandes da categoría.
Pero o Lointek non é rival menor. De feito, con dúas vitorias máis que as galegas, ocupa a quinta posición na táboa da Liga Feminina Endesa e será un reto a superar para o conxunto dirixido por Carlos Cantero.
