Hoxe, sábado 21 de outubro, a partir das 18:30 no Pabellón Municipal Amigos del Fútbol Sala Jara Carrillo o ENCE Marín Futsal saltará ao 40×20 a por todas diante do LBTL Futsal Alcantarilla de Murcia. O partido estará arbitrado polo colexiado Andrés Botella López.
Ver esta publicación en Instagram
As galegas levan dúas derrotas consecutivas e queren rexurdir sumando de tres neste desprazamento. O conxunto que adestra Ramiro Díaz non ten baixas para este encontro.
O conxunto local, o LBTL Futsal Alcantarilla ven de perder tres choques seguidos.
Con todo, a traxectoria previa coloca ás de Murcia por encima das galegas na táboa no posto décimo con 6 puntos logo de dous partidos gañados e perder os últimos tres. Estes resultados adversos fan das locais, se cadra, un rival aínda máis perigoso pola necesidade de puntuar.
No caso do ENCE Marín Futsal o casillero de puntos marca so tres froito dun solitario triunfo (5-0 ao CDE Leganés FS Másdeporte) e catro derrotas. O conxunto que adestra Ramiro Díaz ten oito goles a favor e 13 en contra. Esas cifras colocan as galegas no posto 13º da táboa na Primera División do FSF estatal.
Na previa do partido, nas filas do LBTL Alcantarilla, Marta falaba dun “partido concentrado no que temos que saír concentradas. Levamos tres semanas sen puntuar pero coido que estamos a traballar correctamente. Agardo que esta fin de semana poidamos acadar os tres puntos”.
Ver esta publicación en Instagram
