O CV Arenal Emevé segue configurando o seu plantel loitador para a tempada 2021/2022, e confirma a renovación de Lidia Figueira e Ainara Burgos.
Ambas xogadoras, que xa competiron coa camiseta do club lucense logrando a permanencia nesta tempada e proceden da canteira galega, seguirán ás ordes de José Valle para o próximo curso.
Lidia Figueira, a loitadora do Barbanza
Esta será a primeira tempada como profesional para Lidia Figueira, que porén leva no Emevé desde a categoría cadete. A xogadora, orixinal do Barbanza chegou ao club lucense como unha promesa do voleibol, que vai demostrando o seu talento ano a ano.
Actualmente, Figueira é unha líbero destacada da Liga Iberdrola, a máxima categoría do voleibol español. De feito, a galega de só 16 anos, entrou no Sete Ideal da RFEVB no pasado mes de febreiro, ao ser a mellor da xornada na súa posición.
Ainara Burgo, toda unha vida no Emevé
Outra xoia da canteira lucense é Ainara Burgo, que deu os seus primeiros pasos co balón de voleibol na categoría benxamín do conxunto lucense.
Este será tamén o seu primeiro contrato profesional, co club da súa vida, no que seguirá loitando desde a posición de colocadora.
