A tempada na Liga Iberdrola de voleibol remata en derrota para o CV Arenal Emevé. As loitadoras non pudieron cun contundente Feel Volley Alcobendas, campión de Copa e Liga, e que lle pasou por riba ás lucenses (3-0).
Nesta última fin de semana, as galegas non se xogaban xa nada. A salvación foi asinada antes da celebración desta 22ª xornada, coa derrota do Algar Surmenor Cartagena ante o Madrid Chamberí.
Non estaba nas mesmas o anfitrión. O Feel Volley Alcobendas, que recentemente levouse o título de campión de Copa, quería incluír no seu palmarés tamén o de Liga, polo que se xogaba rematar na primeira posición.
Así, coas forzas e ambicións moi desequilibradas, disputouse un partido no que, en palabras de adestrador lucense, José Valle, “refrexa a posición na táboa que ocupan ambos equipos”.
O CV Arenal Emevé enfrontouse a unha apisoadora
Efectivamente, tal e como declarou José Valle, o Alcobendas foi completamente arrollador na súa pista ante as galegas. Cun primeiro set no que as madrileñas demostraron o seu poderío, o CV Arenal Emevé de Lugo quedou noqueado e sen resposta.
As locais foron completamente superiores desde o minuto un, e lograron levarse a primeira manga cunha diferenza enorme no marcador. Nada menos que un 25-7. Segundo o técnico galego do Emevé, este tempo foi “un auténtico desastre”.
Para o segundo set, os cambios nas filas do conxunto do Club Voleibol Arenal Emevé permitiron que o equipo reaccionase e fora recuperando terreo no marcador electrónico. Porén, o Feel Volley Alcobendas seguía sendo mellor na pista, e a segunda manga rematou por sumar un punto máis para as xogadoras locais cun parcial de 25-21.
Xa no terceiro, as loitadoras do Emevé comezaron ben o set, pero sempre sen facer os suficientes puntos para poñer ás súas rivais do Alcobendas contra as cordas.
O Feel Volley Alcobendas foi superior en todos os aspectos do partido, pero aproveitou especialmente os puntos directos, onde conseguiu o dobre que as galegas ( seis fronte a tres ), nos bloqueos (16 fronte a tres ) e nos erros rivais (sumando 17 puntos polos seis do conxunto lucense).
Os puntos de ataque estiveron máis igualados, cun 36-35, polo que o maior castigo do CV Arenal Emevé chegou por outros lados. Cun pleno de sets para as madrileñas rematou este último partido da tempada 2020 / 2021.
A análise do adestrador, José Valle
O técnico das galegas, José Valle explica esta derrota pola falta xa de concentración das lucenses. “Estando nós na posición na que estamos, sen xogarnos nada, non competimos practicamente a nada”, declarou.
Co curso xa rematado, as miradas están postas nunha nova tempada na máxima categoría do voleibol español. O CV Arenal Emevé rematou cunha derrota, pero será un ano máis equipo de primeira.
José Valle: “Haberá que pensar en facer unha avaliación, do que se pode mellorar cara o ano que ven, e plantexarse o obxectivo lóxico da permanencia e quizáis algo máis”
Tendo en conta a novena posición na clasificación coa que despiden este curso, José Valle asegura que “haberá que pensar en facer unha avaliación, do que se pode mellorar cara o ano que ven, e plantexarse o obxectivo lóxico da permanencia e quizáis algo máis”.
FICHA TÉCNICA
3) FEEL VOLLEY ALCOBENDAS: Elizaga, Cunningham, Clark, Alonso, Álvarez del Burgo e Malloy – sexteto inicial -. Tamén xogaron: Mas, Piza (líbero) e Sánchez.
0) CLUB VOLEIBOL ARENAL EMEVÉ: Audrey Alford, Inma Lavado, Lucía Prol, Inés Rivas Fiel, Liagki e Marta Otero – sexteto inicial -. Tamén xogaron: Cassie Buján (líbero), Carla Jiménez, Sara Urrea e Ainara Burgo.
PARCIAIS: 25-7, 25-21 e 25-19.
ÁRBITROS: Susana Rodríguez e Ma. De Las Olas Rodríguez.
INCIDENCIAS: Pazo Municipal dos Deportes de Lugo. Partido correspondente á xornada 22ª da Liga Iberdrola.
