O CV Arenal Emevé quere deixar atrás as derrotas. Nunha tempada inestable, con boas e malas rachas, as loitadoras deberán demostrar o que valen fronte ao terceiro clasificado, o IBSA CV CCO 7 Palmas. O partido será en Lugo o próximo sábado, 5 de decembro, ás 19:00 horas.
Os partidos comezan a complicárselles ás xogadora lucenses, que acumulan dúas derrotas consecutivas. O seguinte rival, con 23 puntos en dez xornadas, tendo perdido soamente dous encontros, non semella o máis doado para voltar ao camiño da vitoria. Ademais, o IBSA chega coa enerxía de ter gañado por un rotundo 3-0 ao CV Sayre CC La Ballena.
Con todo, as loitadoras faran honra do seu nome e non se rendirán. Para lograr puntuar, as xogadoras dirixidas por José Valle deberán prestar atención a corrixir os seus propios erros. No último duelo estes foron determinantes para outorgarlle a vitoria ao CV Kiele.
Agora, do lado contrario da rede e reforzando as filas do IBSA, estará Helia González, a mellor receptora da anterior xornada, cunha efectividade do 89% e Alba Sánchez, a terceira mellor líbero.
Na última fin de semana ningunha das loitadoras entrou no top da Liga, pero si o fixeron en ocasións anteriores. Así, o Arenal Emevé deberá tirar de xogadoras como Cassandra Leann Bujan, Lucía Prol, Carolina Camino ou Inmaculada Lavado para sumar puntos e alonxarse da zona baixa da clasificación.
🔜 11ª jornada #LigaIberdrolaVoleibol@cvemevelugo 🆚 IBSA CV CCO 7 Palmas
☝️ Mañana, a partir de las 18h00, hora canaria, puedes seguir el partido en directo.#SomosElOlímpico #Voleibol #GranCanariahttps://t.co/0hf29OGkZs a través de @YouTube
— IBSA CV CCO 7 Palmas (@cvjavolimpico_) December 4, 2020
